Lukas 22:66 - U Maganda A Baheta Ni Jesu-Cristo

⁶⁶ Tukadimadimangan na ay namággipun u ama-amaan hide nu banuwan, u puno nu saserdote hide sakay u maisto hide nu Kautusan. Inyatubang di nide ti Jesus sakay tinanung de,

Lukas 22:66 Referans Kwoze

Markos 15:1

Nadid, tunay palla ti kadimadimang ay namágguhon u Saserdote hide, sakay u pinuno hide nu banuwan sakay u tagapagtoldu hide tu Kautusan, sakay u agum hide a pinuno nu Judio hide, namágguhunan de ni ánya gimitán diyay ni Jesus. Pinapungo di ti Jesus sakay inyangay de tu kán Pilato.

Mateo 27:1

Tu dimadimang, namagguhon u pupuno hide nu saserdote sakay u pinuno hide nu banuwan ni kodya de a ipabuno ti Jesus.

Gimet 22:5

Makapagpatunay tungkul ti iye u pinakapuno nu saserdote hide sakay u buo a gurupo nu pinuno hide. Inatáddinák di pa ti sulat para tu Judio hide ti Damasco, kanya immangayák hod para dakáppán u kaguman ti tolduwan iye hide tungkul ni Cristo sakay iyangay he ti Jerusalemáy para parusaan.”

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.