Lukas 22:19 - U Maganda A Baheta Ni Jesu-Cristo

¹⁹ Sakay inalap na u tinapay sakay nagpasalamat tu Diyos, káttapos ay tináppeng-táppeng na itod sakay inyatád na nide. Kinagi na, “Iye u bággi ko a nealay para nikam. Gimitán moy iye a pággalaalaan moy nikán.”

Lukas 22:19 Referans Kwoze

1 Corinto 10:16

Awan beman u káinom tam tu baso a ipáppasalamat tam ay pákbahagi tam tu dige ni Cristo? U kákkan tam tu tinapay a tináppeng-táppeng tam ay pákbahagi be tu bággi na?

Lukas 22:20

Sakay konna bi hod u ginimet na tu tasa a te alak, sakay kinagi na, “I mainuman iye ay tanda nu bigu a kasunduwan nu Diyos a pinatibay nu dige ko a mebuhus dipo nikam.

1 Corinto 10:4

Sakay imminom be hide tu dinom a inyatád nu Diyos, a gábwat tu Bito. I bituwan itod ay ti Cristo a mangkuyoyog nide.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Juan 6:51

Hikán u makan a mangatad ti biyag tu tolay, a immogsad he a gábwat ti langet. Mabiyag hanggan-hanggan u ti deyaman a kuman ti iye. Sakay u iyatád ko a makan a ikabiyag nu tolay ti munduway ay u bággi ko.”

Lukas 24:30

Nikuna kaatubang di dán siya a kuman ay nangalap siya tu tinapay sakay nagpasalamat tu Diyos. Káttapos ay hinate-hate na sakay inyatád na nide.

Mateo 14:19

Káttapos ay pinaetnod ni Jesus u katolayan hide tu kalamonan. Inalap na u limma a tinapay sakay duwwa a ikan sakay tummangngad ti langet. Nagpasalamat siya tu Diyos sakay tináppeng-táppeng na u tinapay. Kimmakpal u makan. Sakay intád na tu disepulus na hide sakay intagtag be nu disepulus na hide tu katolayan.

Juan 6:23

Kanya ehyukán de ti Jesus. Nadid, te dimmemát a abang a gábwat ti Tiberias dimmung hide tu kinanan nu tolay hide tu tinapay a impasalamat nu Panginoon.

Lukas 22:17

Sakay inalap na u tasa a te lasán a alak, sakay káttapos na a nagpasalamat tu Diyos ay kinagi na, “Alapán moy iye sakay pamághatiyan moy.

1 Tesalonica 5:18

Sakay magpasalamat kam tu Diyos maski anya u mangyare. Dipo sa iye u kagustuwan nu Diyos a gimitan moy nadid a nakpagkaessa kamon ni Cristo Jesus.

Galacia 4:25

Ti Hagar u kumán a u Buked a Sinai ti Arabia, sakay u inyenak na hide ay alipin hide u pángparehuwan tu tolay hide nadid ti Jerusalem ay kumán labe a alipin dipo alipin palla hide nu Kautusan.

Mateo 15:36

Sakay inalap na u pitto a tinapay sakay u ikan hide. Káttapos na a nagpasalamat tu Diyos ay tináppeng-táppeng na u tinapay hide sakay intád na tu disepulus na hide. Intagtag be nu disepulus na hide tu katolayan.