Lukas 22:16 - U Maganda A Baheta Ni Jesu-Cristo

¹⁶ Sanigán moy i kagiyán kuwáy nikam, awanák dán kuman a huway ti iye hanggan a mangyare u kahulugen ni iye tu aldew a maghare u Diyos.”

Lukas 22:16 Referans Kwoze

Pahayag 19:9

Sakay kinagi nikán nu anghel, “Isulat mo iye: Pinagpala u naimbitaan tu kasal nu Tupa.” Sakay kinagi na pa, “Iye a kinagi ko ay tatahoden a upos nu Diyos.”

Lukas 14:15

Nikuna masaneg itod nu essa a katubang di Jesus ay kinagi na, “Mapalad u makatubang tu lamisaan tu kahariyan nu Diyos!”

Lukas 22:30

Kapisan takam a kuman sakay uminom tu kahariyan ko, sakay mággetnod kam tu trono hide para mamahala tu sapulo ay ti duwwa a lahe ni Israel.”

Gimet 10:41

bakán a tu atanan a tolay nan nikame la a pinile nu Diyos bilang patunay. Hikame u kaguman na a kimman sakay umminom nikuna nabiyag siya a huway.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Lukas 12:37

Pinagpala u alipin hide a demáttan na a awan tidug sakay nakahanda tu káddemát nu amo de. Kagiyán ko nikam, pággetnudan na hide tu lamisaan sakay serbiyan na hide mentaras a kuman hide.

Lukas 22:15

Káttapos ay kinagi na nide, “Gugusto ko a makaguman takam ti iye a pangapon baguwák a maghirap.

Lukas 22:18

Tandaan moy i kagiyán kuwáy nikam, awanák dán uminom a huway tu tábbug nu ubas mentaras awan palla dumemát u paghare nu Diyos.”