Lukas 20:20 - U Maganda A Baheta Ni Jesu-Cristo

²⁰ Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador.

Lukas 20:20 Referans Kwoze

Lukas 11:54

tán madakáp de siya nite makagi siya a maare de a ibintang nikuna.

Mateo 27:2

Káttapos ay pinungo de siya sakay inyangay de ni Gobernador Pilato.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Lukas 20:26

Awan ti nangyare tu áisipán de a madukás a dakáppán de siya tu pággupos na tu atubang nu katolayan. Dipo awan hide ti netan a pangdakáppan de nikuna. Sakay nabigla hide tu intabbeg na nide, kanya nagtahimik dálla hide.

Markos 3:2

Kanya binantayan nu agum a tolay a hed-hod ni pagpiyyaán ni Jesus i lállakeyan itod tu Aldew nu Káimang, támpara tehhod hide a mebintang nikuna.

Lukas 20:21

Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide.