Lukas 20:14 - U Maganda A Baheta Ni Jesu-Cristo

¹⁴ Pero nikuna ketan nu tarabahador hide u anak nu makákkao ay namagguhon hide sakay kinagi de, ‘Iye u magmana, bunuwán tam siya para makao tam u manaán na.’

Lukas 20:14 Referans Kwoze

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Lukas 22:2

U puno nu saserdote hide sakay u Maisto hide nu Kautusan ay magileng ti paraan tánni mepabuno de ti Jesus, pero maingat hide dipo manteng hide tu tolay hide.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Lukas 20:5

Kaya namágguhon-uhon hide, “Ni kagiyán tam a gábwat tu Diyos, kagiyán na be nikitam, ‘Bakin awan moy siya pinaniwalaan?’

Lukas 19:47

Sakay aldew-aldew ay nagtoldu siya tu Templo. Gusto siya a ipabuno nu puno nu saserdote hide, nu maisto hide nu Kautusan sakay u ama-amaan hide tu banuwan.

Mateo 21:25

Deya u nangatád ti kapangyariyan ni Juan para magbawtismo, u Diyos beman oni u tolay?” Sakay namágguhon hide “Ni kagiyan tam a gábwat tu Diyos, ay kagiyan na bi nikitam, ‘Bakin awan moy siya pinaniwalaan?’

Mateo 16:7

Namágguhon u disepulus hide. Kinagi de, “Dipo wád a awan kitam ti tawed a tinapay kanya nakagi na itod.”

Mateo 21:34

Nikuna a dimmemát u panahon nu sákbudas, pinaangay na u utusan na hide para alapán di u kabunong na.

Lukas 20:13

Kinagi nu makákkao tu ubasan, ‘Ánya wád i dapat kuway a gimitán? Maganda wád ni u pinakamamahal ko a anak u paangayán ko hod. Siguradu a igalang di siya.’

Lukas 20:15

Kaya inyangay di siya tu luwas nu kaubasan hide sakay binuno.” Sakay kinagi ni Jesus, “Ánya wád u gimitán nide nu makákkao tu kaubasan?”