Biblia Todo Logo
Bib sou entènèt

- Piblisite -




Lukas 2:34 - U Maganda A Baheta Ni Jesu-Cristo

34 Inaged ni Simeon a pagpalaán hide nu Diyos sakay kinagi na ni Maria, “Sanigán mo i kagiyán kuwáy, anakan iye ay pinile nu Diyos. Tu pamamag-itan na ay makpál u maligtas sakay makpal be u mahatulan tu lahe hide ni Israel. Siya u tanda a gábwat tu Diyos pero makpál be nikuna u mangkontara,

Gade chapit la Kopi




Lukas 2:34
38 Referans Kwoze  

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.


U mesangdul ti bitowan iye ay mamogmog sakay mapassit u mehagnakan ni iye.”


Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.


Tukoy tam a atanan a mas mataas u mangatád ti págpapala nan tu pinagpala.


Bakin awan hide nagtagumpay? Dipo nagtiwala hide tu gimet de sakay awan hide simmampalataya ni Jesu-Cristo. Nehakpa hide tu bito a kákkehakpaan.


Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.


Dipo netan me i tolayan iye a mággaguluwán. Gágguluwán na u atanan a Judio, maski hádya siya angayan sakay siya u puno nu tolay hide a simmunud tu toldu nu essa a lállake a taga Nazaret.


Nikuna awan di netan u duwwa ay binehbeh de ti Jason sakay u agum a mánnampalataya sakay inyangay de hide tu puno nu banuwan. Konna he u ipáppákhaw de, “Iye hide a tolay ay manggagolo maskin hádya hide angayan sakay nadid ay atoy dán he hide ti banuwan tamáy!


Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.


Nagkaessa u hare hide ti lutaáy, Sakay u pupuno hide para lumaban tu Panginoon sakay tu pinile na hide.’


Kanya ngahe-ngahe a bunuwán nu Judio hide ti Jesus tu iyamut de, pero bakán la a dipo tu páglabag tu batas tungkul tu Aldew nu Káimang nan dipo kákkagiyán na pa a u Diyos u Ama na, sakay iyaheg na u sadile na tu Diyos.


U tolay a maggimet ti madukás ay umád tu demlag. Adeyuwan de u demlag tánni awan ketan u madukas de a gimet.


Kinagi de nikuna, “Mahal mi a gobernador, naalala mi a kinagi nu mapagkunware an itod nikuna a biyag padla siya a huway siya mabiyag kállipas nu tállo a aldew.


Nadid alay nu pággupos ni Jesus tu katolayan ay dummemát u ina sakay kapatkákka na hide a lállake. Nágtaknág hide tu luwas nu bilay sakay gusto de siya a uhunán.


Nadid hikán a Anak nu Tolay ay kuman sakay uminom ti alak ay kagiyán di be a ‘Katoy u essa a tolay a maunas sakay lasingero. Barkada siya nu tagakolekta hide ti buwes sakay u makasalanan hide.’ Pero ketan labe u bunga nu karunungan nu Diyos tu biyag nu tolay a sumunud.”


Ti Melquisedek ay hare ti Salem sakay saserdote nu Kataasan a Diyos. Nikuna a pasole dán ti Abraham a gábwat tu págpuksa tu hare hide ay tinagbu siya ni Melquisedek sakay kinagi na, “Pagpalaán ka nu Panginoon.”


Pero gusto mi be a masaneg ni ánya makagi muway, dipo tukoy me a maski ni hádya a lugar ay ipáppadukás nu tolay hide i pánniwala muwe.”


para mehayag u áisipán de. Sakay hiko a mismo ay demáttan ni grabi a kalungkutan a kumán a sundang a indágkal ti puso muwe.”


Swiv nou:

Piblisite


Piblisite