Lukas 18:32 - U Maganda A Baheta Ni Jesu-Cristo

³² Dipo iyangay di siya tu Hentil hide sakay sestiyan, insultuwán sakay loktaben.

Lukas 18:32 Referans Kwoze

Lukas 23:11

Dipo ti iye ay sineste sakay ininsulto siya ni Herodes sakay u sundalo na hide. Binaduwan de siya ti pang hare a damit bilang pangseste di nikuna, kattapos ay pinasole di siya ni Pilato.

Gimet 3:13

U Diyos di Abraham, Isaac sakay ti Jacob, u Diyos nu nunu tam hide, u nangatád tu pinakamataas a karangalan tu tagapagserbi na a ti Jesus. Pero inyangay moy siya tu te kapangyariyan sakay intakwil tu atubang ni Pilato maski ni gusto na siya a palayaan.

Markos 14:65

Linoktaben siya nu agum a katoy hod. Pinángngássan de, sakay sinuntuk de. Pinatukoy dipa ni ti deya nangsuntukay nikuna, sakay binálbág siya nu mágbantay hide.

Mateo 26:67

Sakay niluktaben de siya tu hupa na sakay sinasuntok. Dinapang be siya nu agum

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Juan 18:35

Timmábbeg ti Pilato, “Judiowák beman? Inyangay ka he nikán nu kabanuwan mo hide sakay tu puno nu Saserdote hide. Ánya beman ginimet muway?”

Juan 18:30

Timmábbeg hide, “Ni awan siya naggimet ti madukás ay awan mi he siya inyangay.”

Juan 18:22

Nikuna a makagi iye ni Jesus ay dinapang siya nu essa a guwardiya a adene nikuna. Kinagi nu guwardiya, “Bakin a konna ka hina a tumábbeg ti pinakapunuwe ni Saserdote?”

Lukas 23:35

Mágtáknág hod u tolay hide a mággeleng, mentaras a sássestiyan siya nu puno hide nu banuwan. Kinagi de, “Inligtas na u agum, nadid ni talaga a siya u Cristo a pinile nu Diyos ay iligtas na be i sadile nae!”

Lukas 23:1

Nadid, káttapos hod ay timmaknág hide a atanan sakay inyangay de ti Jesus tu kán Pilato.

Mateo 27:2

Káttapos ay pinungo de siya sakay inyangay de ni Gobernador Pilato.

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Markos 15:1

Nadid, tunay palla ti kadimadimang ay namágguhon u Saserdote hide, sakay u pinuno hide nu banuwan sakay u tagapagtoldu hide tu Kautusan, sakay u agum hide a pinuno nu Judio hide, namágguhunan de ni ánya gimitán diyay ni Jesus. Pinapungo di ti Jesus sakay inyangay de tu kán Pilato.

Mateo 20:19

sakay ipaubaya tu awan hide maniwala tu Diyos. Sestiyánnák de, haplitán ti grabe sakay ipako tu kudus; pero huwayák a biyagán nu Diyos tu katállo a aldew.”

Mateo 22:6

U agum ay ginábbu de u utusan hide, pinahirapan sakay binunu.

Lukas 18:33

Bálbággán di siya sakay bunuwan, pero tu katállo a aldew ay mabiyag siya a huway.”

Juan 18:32

Nangyari iye para matupad u kinagi ni Jesus, tungkul tu kákkatay na a danasán na.