Lukas 18:22 - U Maganda A Baheta Ni Jesu-Cristo

²² Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Lukas 18:22 Referans Kwoze

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Mateo 19:21

“Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Lukas 10:42

pero eessa la i talagaay a kailangan. Pinile ni Maria u tama a bagay a awan mamawan nikuna.”

2 Pedro 3:8

Pero dyan moy nakwa kali-kalimunan, mahal ko hide a kákkapatkákka: a tu Panginoon, u essa a aldew ay kumán a sanglibu a taon, sakay u sanglibu a taon ay kumán la a saldew.

Filipos 3:13

Kákkapatkákka ko hide, awan ko áisipán a natupad ku dán i bagayan iye hide. Pero u gággimitán ko nadid ay limunán u nakalipas sakay magsikapák para maalap ko u atanan nu gusto nu Diyos a matanggap ko tu tamuwán.

Lukas 9:23

Sakay kinagi na nide a atanan, “Ni deya man u masoh a sumunud nikán ay kailangan a kalimunan na u para tu sadile na. Báklayán na aldew-aldew u kudus na sakay sumunud nikán.

Lukas 18:21

Timmábbeg u lállake, “Sinássunud ku dán ina a atanan sapul pa nikuna anakák.”

Lukas 18:23

Pero nikuna masaneg na iye ay nalungkut siya, dipo mayaman siya a tahod.