Lukas 16:16 - U Maganda A Baheta Ni Jesu-Cristo

¹⁶ “U kautusan ni Moises sakay u insulat nu prupeta hide u sassunudan nu tolay hide hanggan dummemat ti Juan a Mágbawtismo. Sapul hod ay nepangaral dán u Maganda a Baheta tungkul tu pághare nu Diyos. Kaya makpal u magpilit a magin kaparte hod.

Lukas 16:16 Referans Kwoze

Mateo 21:32

Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu madukás hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.”

Juan 1:45

Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Lukas 16:31

Pero kinagi nikuna ni Abraham, ‘Ni umád de a sunudán u insulat ni Moises sakay u insulat nu propeta hide ay awan dila be sanigán maski u essa a patay a nabiyag a huway.’”

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Lukas 16:29

Pero kinagi nikuna ni Abraham, ‘Katoy dán nide u insulat hide ni Moises sakay u insulat nu propeta hide kaya dapat de itod a sunudán.’

Lukas 10:11

“Maske u alikabuk nu banuwan moy a pimmakkat tu tika-tikád me ay pagpagán me bilang babala nikam. Pero iye u pakaisipán moy, inatádden kamon ti pagkakataun a mapagharian nu Diyos!

Lukas 10:9

Pagpiyyaán moy u tehhod hide a saket hod sakay kagiyán moy nide, “Adene kamon a paghariyan nu Diyos.”

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Lukas 9:2

Sakay inutusan na hide a angay mangaral tungkul tu pághare nu Diyos sakay magpapiyya tu tehhod hide a saket.

Markos 1:14

Nikuna a nepireso ti Juan ay immangay ti Jesus ti Galilea sakay nagtoldu hod siya tu Maganda a Baheta a gábwat tu Diyos.

Mateo 10:7

Itoldu moy nide a ‘Adeni dán a maghare u Diyos nikitam.’

Juan 12:19

Nadid ay namágguhon u Pariseo hide, “Ilingán moy, umunonod dán nikuna u atanan a tolay, awan kitamon ti magimet!”

Juan 11:48

Ni páppabayan tam siya, u atanan a tolay ay maniwala nikuna. Ni mangyare ina ay lusubán kitam nu sundalo hide ni Roma sakay sidaán de u templo sakay u bansa tam.”

Markos 1:45

Pero limmakad siya sakay imbábbaheta na u nangyare, kanya awan dán makalantad ti Jesus a makasáddáp tu banuwan nan hod dálla siya tu adeyo hide a lugar. Pero maski konna hod ay umangay pade nikuna u tolay hide a gábwat tu iba-iba a lugar.

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Mateo 15:11

Bakán a tu isubu nu tolay u makapangpadangát nikuna tu Diyos nan u madukás a kagiyán na.”

Juan 5:4

Áuhayán de a magahikad u dinom, dipo ni minsan ay umogsad u essa a anghel nu Diyos sakay labugán na u dinom. U dipalongo a makatabsung tu dinom ay maghusay maski ni ánya u saket na.