Lukas 13:19 - U Maganda A Baheta Ni Jesu-Cristo

¹⁹ Konna iye tu bukál nu mustasa a immula nu essa a tolay tu págmulaan na. Dimmakál iye hanggan nagin kayo sakay naglobunan nu kamanukan u pingi-pinget na.”

Lukas 13:19 Referans Kwoze

Gimet 4:4

Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 21:20

Nikuna masaneg di iye ay nagpure hide tu Diyos. Sakay kinagi de ni Pablo, “Tukoy mo kapátkákka, tehhod dán a sangan a libu a Judio u summampalataya ni Jesus pero atanan de ay masigasig pade a sumunud tu Kautusan ni Moises.

Mateo 17:20

Timmábbeg siya, “Dipo awan sapat u paniwala moy. Kagiyán ko nikam: ni magin kapareho la tu kadakál nu bukál nu mustasa u paniwala moy tu Diyos ay makagi moy tu buked a iye, ‘Umagton ka hod!’ sakay umagton iye. Awan ti bagay a awan moy magimet.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Lukas 17:6

Pero timmábbeg ti Jesus, “Ni te pánnampalataya kam nakwan dálla a konna tu kadakál nu bukál nu mustasa ay maare moy dán a makagi ti kayuwáy a sikomoro a, ‘Mabotbot ka sakay memula ka ti diget ta atod!’ sakay sumunud iye.

Markos 4:30

Sakay kinagi pa ni Jesus, Hádya tam pa a meparehas u kahariyan nu Diyos? Ánya a katalinghaga u gamitán tam para mepaliwanag iye?