Lukas 11:15 - U Maganda A Baheta Ni Jesu-Cristo

¹⁵ Pero kinagi nu agum, “Ti Beelzebul a pinuno nu demonyo hide u nangatád nikuna ti kapangyariyan a mágpalayas tu demonyo hide.”

Lukas 11:15 Referans Kwoze

Mateo 9:34

Pero kinagi nu Pariseo hide “Makapalayas siya ti demonyo dipo inatádden siya ti kapangyariyan ni Satanas u hare nu demonyo hide.”

Juan 10:20

Makpal nide u nagkagi, “Magaheng siya sakay sináddáp ni madukás a ispirito. Bakin moy siya sássanigán?”

Juan 8:52

Kinagi nu puno nu Judio hide, “Siguradu kame a sináddáp ka ni madukás a ispirito. Ti Abraham ay natay dán sakay nágkatay dán be u prupeta hide, pero kinagi mo a awan mata-matay u deyaman a mangtupad tu toldu mo.

Juan 8:48

Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.”

Juan 7:20

Timmábbeg u tolay hide, “Sináddáp ka dán ni madukás a ispirito! Ti deya beman u masoh a mangbuno niko?”

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 12:22

Nadid, te essa a tolay a hinayup a buhák sakay bulol pa be a inyangay de ni Jesus. Pinagpiyya ni Jesus u tolay kanya nakaupos sakay naketa dán.