Lukas 1:68 - U Maganda A Baheta Ni Jesu-Cristo

⁶⁸ “Puriyán u Panginoon a Diyos nu Israel. Dipo immangay he siya ti lutaáy para palayaán sakay iligtas u anak na hide.

Lukas 1:68 Referans Kwoze

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Efeso 1:3

Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.

Lukas 2:38

Ti odas biyan itod ay immadene be ti Ana tu kád Jose ay ti Maria, sakay nagpasalamat tu Diyos. Nagupos be siya tungkul ni Jesus tu maguhay hide tu págligtas nu Diyos tu lahe ni Israel.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Lukas 19:44

Puksaán di kam pate u anak moy hide, awan hide ti ibuha-buhay. Maski u bito hide tu banuwan moy ay awan manatili tu date na a pappagyanan, dipo awan moy pinospos u káddemát nu Diyos a mángligtas nikam.”

Lukas 1:71

a iligtas na kitam tu atanan a kadima tam, sakay tu atanan a maiyamut nikitam.

Lukas 24:21

Áasaan mi pa be a siya u mángligtas tu lahe hide ni Israel. Sakay bakán la a ina, katállo na dán nadid a aldew sapul a mangyare itod.

Hebreo 9:12

Pumensan la a simmáddáp ti Cristo tu Lugar a Kabanalan, sakay awan dán kailangan a huwayán. Bakán a digi ni kambing sakay digi ni bul-o a baka u inyalay na nan u sadile na a dige, tánni mapatawad kitam tu kasalanan tam hanggan-hanggan.