Juan 9:4 - U Maganda A Baheta Ni Jesu-Cristo

⁴ Kailangan a tupadán tam u tarabaho nu nangpaangay he nikán, mentaras a magimet tam palla. Dipo dumemát dán u gibi a awan tamon magimet u ipagimet na.

Juan 9:4 Referans Kwoze

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Efeso 5:16

Samantalaán moy u pagkakataun hide a makagimet kam ti maganda. Dipo makpal dán u mágkadukás a gimet ti muduwáy.

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Juan 17:4

Impakapospos ku dán u karangalan mo he ti munduwáy, dipo natupad ku dán u impatarabaho mo nikán.

Colosas 4:5

Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.

Juan 5:36

Pero tehhod a mángpatunay tungkul nikán a mas higit tu patunay ni Juan, u gimet hide a ipagimet nikán nu Ama, sakay siya be u gággimitán ko. Ina u mangpatunay a pinaangayák na he.

Juan 10:32

Pero kinagi nide ni Jesus, “Impeta ko nikam u makpal a mágkaganda a gimet a impagimet nikán nu Ama. Hádya ti iye hide u dahilan para batikalánnák moy?”

Juan 10:37

Ni awan ko gimitán u ipagimet nu Ama, diyan kam maniwala nikán.

Gimet 4:20

Awan me maare a awan ibaheta u netan me sakay u nasaneg me.”

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Juan 7:33

Kinagi ni Jesus, “Awanák moy dán makaguman ti malay, sakay káttapos ay soliyák dán tu nangpaangay he nikán.

Mateo 20:7

‘Awan be ti mangatád nikami ti trabaho,’ tábbeg de. Sakay kinagi na, ‘Ni konna hod, angay kam magtrabaho tu ubasan ko. Upaan ta kam.’

Markos 3:3

Dinulaw ni Jesus u lállake a patay ti kamat, “Karon he!”