Juan 8:6 - U Maganda A Baheta Ni Jesu-Cristo

⁶ Intanung di iye para subukán dila ti Jesus, dipo magehyok hide ti mebintang de a kontara nikuna. Pero dimmukog la ti Jesus sakay nagsulat tu luta tu pamamag-itan nu toldu na.

Juan 8:6 Referans Kwoze

Lukas 10:25

Nadid, immadene ni Jesus u essa a maisto nu Kautusan tánni purbaan siya, “Maisto,” kagi na, “Ánya u dapat ko a gimitán tánni magkahodák ti biyag a awan ti kahád?”

Mateo 19:3

Te sangan a Pariseo hide a immadeni nikuna sakay pinurbaan di siya tu pamamagitan nu tanong a iye “Neayon beman tu Kautusan a sumina u lállake tu kabanga na ni maski anya a dahilan?”

1 Corinto 10:9

Dyan tam purbaan u Panginoon a konna tu ginimet nu agum nide. Kaya natay hide tu kamandag nu kabiklatan.

Markos 10:2

Tu itod u Pariseo hide ay immangay hod nikuna para purbaan de siya. Kanya nagtanung hide, “Ayun beman tu Kautusan a hiwalayan nu lállake u kabanga na?”

Markos 8:11

Nikuna a nasaneg nu Pariseo hide ti Jesus a dimmemát ay immangay hod hide a nákpagpasuwayan nikuna. Dipo pilitán de siya a mángpeta ti makataka-taka a mangpatunay a pinaangay he siya nu Diyos, dipo gusto de siya a purbaan.

Mateo 26:63

Pero awan ti kákkagi ti Jesus. Sakay kinagi nikuna nu pinakapuno a saserdote, “Iyutos ko niko: kagiyan mo nikami, tu ngahan nu Diyos a biyag, ni hiko beman u Mesias, u Anak nu Diyos?”

Mateo 22:35

Sakay essa nide a malalaki tu Kautusan, u nagtanung ni Jesus para purbaan siya.

Mateo 22:18

Pero tukoy ni Jesus u plano de a madukás kanya kinagi na, “Mapagkunware kam! Bakin gustowák moy a linlangán?

Mateo 16:1

Essa aldew immadeni ni Jesus u sasangan a Pariseo sakay Saduseo hide. Gusto de a purbaan ti Jesus kanya kinagi de a mángpeta siya ti essa a tanda a gábwat ti langet.

Mateo 15:23

Pero awan la siya tinábbeg ni Jesus. Sakay inumadene ni Jesus u disepulus na hide sakay kinagi de “Palakadán mo siya, mahehaw a umunonod nikitam.”

Mateo 10:16

Kinagi pa ni Jesus tu sapulo ay ti duwwa a apostol na “Pakatandaan moy, paangayán takam tu tolay hide a umád nikán. Kumán kam a tupa a indátton tu bállog nu mágkatapang hide a hayup. Kanya ilagen moy hide konna tu biklat a alisto umilag dipo tukoy na a mepadukás siya. Pero magin mabait kam nide konna tu kalapate.

Juan 8:2

Tu dimadimang, mentaras a maaga palla ay nagsole ti Jesus a huway tu templo. Makpal a tolay u immadene nikuna, kanya immetnod siya sakay nagtoldu siya hide.

Lukas 11:16

Te agum be a masoh a mangpurba ni Jesus, kaya kinagi de a, “Mángpeta kapay ti makataka a bagay a mangpatunay a katoy niko u Diyos.”

Markos 12:15

Pero tukoy ni Jesus a magkukunware la hide, kanya kinagi na, “Bakin páppurbaanák moy? Atáddinák moy ti pilak.”

Markos 3:2

Kanya binantayan nu agum a tolay a hed-hod ni pagpiyyaán ni Jesus i lállakeyan itod tu Aldew nu Káimang, támpara tehhod hide a mebintang nikuna.