Juan 8:37 - U Maganda A Baheta Ni Jesu-Cristo

³⁷ Tukoy ko a gábwat kam tu lahe ni Abraham, pero binalakák moy a bunuwán dipo awan moy tanggapán tu puso moy u Upos ko.

Juan 8:37 Referans Kwoze

1 Corinto 2:14

Dipo u tolay a awan u Ispirito nu Diyos nikuna ay umád a tumanggap tu kaluub hide a gábwat tu Ispirito nu Diyos. Para nide, awan iye ti kabuluhan sakay awan de maintendiyan, dipo awan nide u Ispirito nu Diyos a mangdemlag tu isip de.

Roma 9:7

Sakay awan atanan a gábwat ni Abraham ay meturing a anak na. Dipo kinagi nu Diyos ni Abraham, “U gábwat la ni Isaac u ibilang a lahe mo a impananto ko niko.”

Juan 7:1

Nadid, káttapos ay linebut ni Jesus i Galilea. Umád na a umangay ti Judea dipo gusto siya a bunuwán nu puno nu Judio hide.

Juan 8:59

Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.

Gimet 13:26

Kinagi pa ni Pablo, “Kákkapatkákka ko hide a gábwat tu lahe ni Abraham, sakay hikam a Hentil a tehhod a anteng tu Diyos. Sanigánnák moy, hikitam u nángpatawidan nu Diyos tu Maganda a Baheta tungkul tu kaligtasan.

Juan 8:43

Awan moy naintendiyan u kinagi ko, dipo awan moy matanggap u toldu ko.

Juan 11:53

Sapul hod ay binalak de a ipabuno ti Jesus.

Juan 7:19

Awan beman inyatád nikam ni Moises u Kautusan? Pero maski essa nikam ay awan ti nakasunud tu Kautusan. Dipo ni sinunud moy u Kautusan, bakin a gustuwák moy a bunuwan?”

Juan 10:31

Nikuna a masaneg iye nu Judio hide ay huway hide a nangkáppot ti bito para batikalán de siya.

Juan 8:6

Intanung di iye para subukán dila ti Jesus, dipo magehyok hide ti mebintang de a kontara nikuna. Pero dimmukog la ti Jesus sakay nagsulat tu luta tu pamamag-itan nu toldu na.

Juan 7:25

Nadid ay kinagi nu sangan a taga-Jerusalem, “Awan beman sa iye u tolay a gusto a bunuwán nu puno tam hide?

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Mateo 13:15

Dipo inumigát dán u isip moy sakay awan dán mágsaneg u talinga moy. Sakay inkiháp moy dán u mata moy. Ni awan moy ina hide ginággimet ay maketa kam nakwa tu mata moy sakay makasaneg kam nakwa tu talinga moy. Sakay maintendiyan nakwa nu isip moy tánni angay kam nikán para pagpiyyaán takam.’

Juan 8:33

Timmábbeg hide ni Jesus, “Gábwat kame tu lahe ni Abraham, maski nikan ay awan kame nagin alipin ni deyaman. Kodya mo a makagi a palayaán kame?”

Mateo 3:9

Sakay dyan moy be isipán a makaligtas kam tu parusa nu Diyos dipo lahe kam ni Abraham. Dipo ikagi ko nikam a kaya nu Diyos a gimitán i bituwáy hide a magin lahe ni Abraham.

Juan 8:56

U apo moy a ti Abraham ay masaya nikuna a matukuyan na u aldew nu káddemát ko. Netan na ngane iye, sakay nasaya siya.”

1 Juan 2:14

Magsulaták nikam anak hide, dipo kilala moy u Ama. Magsulaták be nikam ama hide, dipo kilala moy siya a tu sapul ay átna dán. Magsulaták nikam áolito hide sakay mámmadiket hide dipo mágkatatag kam; pirme a katoy nikam u upos nu Diyos sakay natalo moy dán ti Satanas.