Juan 8:31 - U Maganda A Baheta Ni Jesu-Cristo

³¹ Nadid ay kinagi ni Jesus tu tolay hide a maniwala nikuna, “Ni tulos-tulos kam a sumunud tu itáttoldu ko ay tatahoden a tagasunud takam.

Juan 8:31 Referans Kwoze

2 Juan 1:9

Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak.

2 Timoteo 3:14

Pero hiko, ay magtulos-tulos ka tu tatahoden hide a adal a natukuyan mo sakay nagtiwalaan, dipo tukoy mo ni kán deya mo iye a natukuyan.

Santiagu 1:25

Pero pagpalaán nu Diyos u atanan a gimitán nu tolay a tulos-tulos a magadal sakay mangtupad tu upos nu Diyos a mangpalaya nikitam gábwat tu kasalanan, sakay bakán la tagapágsaneg a makalimon a agad.

1 Timoteo 4:16

Bantayan mo u sadile mo sakay u págtoldu mo. Magtiyaga ka a magtulos-tulos a gimitán iye hide a bagay, tánni maligtas ka sakay u atanan nu nágsaneg niko.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

1 Juan 2:24

Pakaingatan moy tu puso moy u nasássaneg moy tu sapul nikuna summampalataya kam ni Jesus. Ni gimitán moy iye ay manatili kam a kaessa nu Anak sakay tu Ama.

Roma 11:22

He tam a ketan u kabaitan nu Diyos sakay ni sakodya siya a kahigpit a maghatul. Mahigpit na a hatulan ti parusa u magkasala hide nikuna. Pero mabait siya nikam ni manatile kam tu kabaitan na, pero ni awan, ay káttulán na kam be.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Mateo 24:13

Pero u matapat hanggan tu katapusan ay siya u maligtas.

Juan 8:36

Kanya ni u Anak dán u magpalaya nikam ay talaga malaya kamon.

Juan 6:55

Dipo u bággi ko, u tunay a makan sakay u dige ko u tunay a áinumán.

Gimet 13:43

Káttapos nu pamággipun-ipun ay immunonod di Pablo sakay ti Bernabe u mákpal a Judio sakay u bakán hide a Judio a nák-agum tu rilihiyon nu Judio hide. Kinauhon hide nu apostol hide sakay pinayuwan a itulos-tulos di la a magtiwala tu kabaitan nu Diyos.

1 Juan 2:19

Maski ni date tam hide a kaguman pero awan tam hide kaessa. Dipo ni talaga a kaessa tam hide ay kakaguman tam nakwa hide nadid. Pero summina hide, kanya nángpeta la a awan tam hide talaga a kaessa.

Hebreo 8:9

Bakán a konna tu kasunduwan a ginimet ko tu ninuno de hide, nikuna a inluwas ko hide ti Egipto. Dipo awan hide nagin tapat tu pákpagkasundu de nikán, kanya pinabayan ko hide.” Kagi nu Panginoon.

1 Timoteo 2:15

Pero maligtas u bábbey tu pággenak na ni magtulos-tulos siya tu pánnampalataya na, págmahal, pagin banal sakay malinis a kákkabiyag.

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

Gimet 26:22

Pero maskin nikan ay awanák pinabayan nu Diyos, kanya katoyák he nadid a magpatunay tungkul nikuna tu atanan a tolay, mababa man oni u mágkataas hide a tolay. Awanák ti itáttoldu ni awan u kinagi la nu prupeta hide sakay ni Moises,

Juan 2:2

Imbitadu be di Jesus sakay u disepulus na hide.