Juan 7:19 - U Maganda A Baheta Ni Jesu-Cristo

¹⁹ Awan beman inyatád nikam ni Moises u Kautusan? Pero maski essa nikam ay awan ti nakasunud tu Kautusan. Dipo ni sinunud moy u Kautusan, bakin a gustuwák moy a bunuwan?”

Juan 7:19 Referans Kwoze

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 11:53

Sapul hod ay binalak de a ipabuno ti Jesus.

Juan 7:1

Nadid, káttapos ay linebut ni Jesus i Galilea. Umád na a umangay ti Judea dipo gusto siya a bunuwán nu puno nu Judio hide.

Mateo 12:14

Linumakad u Pariseo hide sakay namágguhonan de ni kodya de ti Jesus a bunuwán.

Galacia 6:13

Maski ngane u nagpature hide ay awan sumássunud tu Kautusan. Gusto dikam la a pature tán mepagmadakál de a hide u nakaakit nikam para sumunud ti kautusanan iye.

Galacia 3:19

Ni konna hod, bakin a neatád pa u Kautusan? Neatád iye para mepeta tu tolay a hide ay nagkasala tu atubang nu Diyos. Pero iye ay hanggan la a dumemát u impananto a apo ni Abraham. Neatád iye a Kautusan tu pamamag-itan nu anghel hide sakay tu tulung nu tagasuhog.

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.

Juan 10:39

Nadid, u te tungkulin hide a Judio, pákkasaneg de ti itod ay laan di dámman siya a dakáppán, pero awan ta nakalakad siya.

Juan 7:25

Nadid ay kinagi nu sangan a taga-Jerusalem, “Awan beman sa iye u tolay a gusto a bunuwán nu puno tam hide?

Juan 5:45

Dyan moy isipán a hikán u mángkaso nikam tu Ama. Ti Moises a áasaan moy u mismo a mángkaso nikam.

Juan 5:18

Kanya ngahe-ngahe a bunuwán nu Judio hide ti Jesus tu iyamut de, pero bakán la a dipo tu páglabag tu batas tungkul tu Aldew nu Káimang nan dipo kákkagiyán na pa a u Diyos u Ama na, sakay iyaheg na u sadile na tu Diyos.

Juan 5:16

Kanya sapul hod ay dináddusta dán nu Judio hide ti Jesus dipo tu págpapiyya na tu Aldew nu Káimang.

Markos 3:6

Kanya limmakad a agad u Pariseo hide sakay nákpágguhon tu tagasuporta hide ni Herodes para ipabuno de ti Jesus.

Markos 3:4

Káttapos ay tinanung nabe u tolay hide, “Ánya beman u ayun tu Kautusan, u maggimet ti maganda oni maggimet ti madukás tu Aldew nu Káimang? U mángligtas ti biyag oni mamuno?” Pero awan hide timmábbeg.

Mateo 21:38

Pero nikuna netan nu magtrabaho hide u anak ay namagguhon hide, ‘Iye u tagapagmana. Kamon dán! Bunuwán tamon tán makao tam u mana na.’

Markos 11:18

U ginimet ni Jesus ay nabaheta nu puno hide nu Saserdote sakay tu tagapagtoldu hide tu Kautusan. Kanya nangileng hide ti paraan para bunuwán ti Jesus. Pero manteng hide nikuna dipo hanga u tolay hide tu págtoldu na.