Juan 5:46 - U Maganda A Baheta Ni Jesu-Cristo

⁴⁶ Dipo ni tatahoden a naniwala kam ni Moises, nakwan ay maniwala kam be nikán, dipo mismo ti Moises ay nagsulat tungkul nikán.

Juan 5:46 Referans Kwoze

Juan 1:45

Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Lukas 24:27

Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.

Gimet 26:22

Pero maskin nikan ay awanák pinabayan nu Diyos, kanya katoyák he nadid a magpatunay tungkul nikuna tu atanan a tolay, mababa man oni u mágkataas hide a tolay. Awanák ti itáttoldu ni awan u kinagi la nu prupeta hide sakay ni Moises,

Galacia 3:24

Kanya ngane u Kautusan u itáttoldu nikitam hanggan tu káddemát ni Cristo, para matukuyan tam ani dumemát dán siya ay dapat kitam a sumampalataya nikuna dipo meturing kitam la a matuwid tu pamamag-itan nu pánnampalataya tam nikuna.

Galacia 3:13

Tinubus kitamon ni Cristo tu sumpa a gábwat tu Kautusan nikuna naghirap siya a konna tu essa a sinumpa dipo nikitam. Konna tu nakasulat tu Kasulatan a, “Sinumpa u bawat nebátten tu kayo.”

Galacia 3:10

Pero u tolay hide a umasa a maligtas tu kássunud tu Kautusan ay sinumpa. Dipo nakasulat, “Maparusaan u tolay hide a awan sumássunud tu atanan a nakasulat tu Libro nu Kautusan.”

Galacia 2:19

U tatahoden tu pamamag-itan a mismo nu Kautusan ay natukuyan ko a awan dán ti kapangayarihan u Kautusan nikán kaya malayaák dán a mabiyag para tu Diyos.

Roma 10:4

Dipo awan de tukoy a ti Cristo u katupaden nu Kautusan. Dipo tu ginimet na, u atanan a manampalataya nikuna ay imbilang nu Diyos a awan ti kasalanan.

Juan 5:47

Pero ni awan kam maniwala tu insulat na, kodya kam a maniwala tu kinákkagi ko?”