Juan 3:35 - U Maganda A Baheta Ni Jesu-Cristo

³⁵ Mahal a tahod nu Diyos u Anak na, sakay impabahala na nikuna u atanan a bagay tu kapangyariyan na.

Juan 3:35 Referans Kwoze

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Juan 5:22

Awan humatul u Ama tu maskin deyaman. Inyatád na tu Anak u atanan a kapangyariyan a maghatul

Juan 5:20

Dipo mahal nu Ama u Anak, kaya ipeta na tu Anak u atanan a gimitán na. Mas pa ti iye u ipeta nikuna nu Ama a gimitan na, a pagtakaan moy ti husto.

Lukas 10:22

Sakay kinagi na nide, “Inyatád dán nikán nu Ama ko u atanan a bagay. Awan ti makatukoy ni deya u Anak ni awan la u Ama. Sakay awan ti makatukoy tu Ama ni awan u Anak la, sakay u pinile hide nu Anak a pángpakapospusan na tungkul nikuna.”

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Efeso 1:22

Impasakup be nu Diyos tu kapangyariyan ni Cristo u atanan a bagay, sakay siya u indátton na a puno tu mánnampalataya hide.

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

1 Corinto 15:27

Dipo kinagi nu Kasulatan: “U atanan a bagay ay impasakup nikuna nu Diyos.” (Pero u upos a, “atanan a bagay,” ay maliwanag a awan he kaguman u Diyos a nángdátton tu atanan a bagay tu sakup nu kapangyariyan ni Cristo.)

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Juan 17:26

Inpatengge taka nide, sakay tulos-tulos ko iye a gimitán para u págmahal mo nikán ay hod be nide sakay hikán be ay hod nide.”

Juan 17:23

Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.

Juan 15:9

Mahal takam a konna tu pángmahal nikán nu Ama. Manatile kam tu págmahal ko.

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”