Juan 19:4 - U Maganda A Baheta Ni Jesu-Cristo

⁴ Kanya limmuwas a huway ti Pilato sakay kinagi na tu tolay hide, “Mágsaneg kam! Ta iyatubang ko siya nikam. Gusto ko a matukuyan moy a awanák ti netan a kasalanan na!”

Juan 19:4 Referans Kwoze

Juan 19:6

Nikuna a ketan siya nu pupuno hide a Saserdote sakay tu guwardiya hide ay pimmákhaw hide, “Ipako siya tu kudus! Ipako siya tu kudus!” Pero timmábbeg ti Pilato, “Hikam dálla u mangalap nikuna a mángpako tu kudus, dipo ni hikán la ay awanák ti ketan a kasalanan na.”

Juan 18:38

Tinanung siya ni Pilato, “Ánya beman u tatahoden?” Tu pákkakagi he ni Pilato ay limmuwas siya sakay kinagi na tu Judio hide, “Awanak ti ketan a kasalanan ni tolayan iye.

Lukas 23:4

Sakay kinagi ni Pilato tu puno nu saserdote hide sakay tu tolay hide, “Awanák ti ketan a kasalanan ni tolayan iye.”

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

1 Juan 3:5

Tukoy moy a ti Cristo ay awan ti kasalanan sakay kaya he siya a immangay ay para ibutan u kasalanan tam hide.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Pedro 2:22

Maski nikan ay awan siya nagkasala sakay nagbule-bule.

1 Pedro 1:19

Nan u nangtubus na nikitam ay u dige ni Cristo. Siya u konna tu tupa a awan ti dangát sakay kapintasan, a ne alay tu Diyos tánni matubus u kasalanan nu tolay.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Lukas 23:41

pero hikita la a duwwa la u dapat maparusaan ti kamatayan dipo tu ginimet ta hide a kasalanan. Pero i tolayan iye ay awan ti ginimet a madukás.”

Mateo 27:54

Nanteng a tahod u kapitan sakay u sundalo hide a nagbantay ni Jesus nikuna nabati de u linog sakay netan de u atanan a nangyare. “Tahod ngane a siya ay Anak nu Diyos!” kinagi de.

Mateo 27:24

Nikuna a netan iye ni Pilato a awan siya ti magimet sakay makay magkagulo pa u tolay hide ay nagpaalap siya ti dinom sakay nagguges tu kamát na tu atubang nu tolay hide. “Awanák ti pananagutan ti kákkatay ni tolayan iye. Bahala kamon!” kagi ni Pilato.

Mateo 27:19

Bakán la a ina. Alay na a nakaetnud tu pághukoman, impekagi nikuna nu kabanga na, “Dyan ka mák-alam ti tolayan ina a awan ti kasalanan dipo tu gibi he ay pinahirapanák nu tagináp ko a patungkol nikuna.”

Mateo 27:4

Kinagi na, “Nagkasalaák! Intokyon ko u tolay a awan ti kasalanan.” “Anya u pákalam mi? Bahala ka hina!” tábbeg de.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Juan 18:33

Huway a simmáddáp ti Pilato tu palasyo na sakay impadulaw na ti Jesus, sakay tinanung na, “Hiko beman u hare nu Judio hide?”