Juan 18:37 - U Maganda A Baheta Ni Jesu-Cristo

³⁷ Kinagi ni Pilato, “Ni konna hod ay essa ka a hare?” Timmábbeg ti Jesus, “Tama u kinagi mo a hariyák. Sakay ina u dahilan ni bakin a neenakák sakay immangay he ti munduwáy ay para ibaheta u tatahoden. U atanan a makatukoy tu tatahoden ay mágsaneg nikán.”

Juan 18:37 Referans Kwoze

Juan 8:47

Dipo u anak nu Diyos ay mágsaneg tu Upos nu Diyos. Bakán kam a anak nu Diyos dipo awan kam mágsaneg tu upos nu Diyos.”

1 Juan 4:6

Pero kao kitamon nu Diyos kanya ni ti deyaman u tumenggi tu Diyos ay mágsaneg nikitam; pero awan mágsaneg nikitam u awan kao nu Diyos. Hed tam he a matukuyan ni tideya u magtoldu ti tatahoden a gábwat tu Ispirito nu Diyos sakay nitideya u magtoldu ti kakabuliyan a gábwat ni Satanas.

Juan 8:14

Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan.

1 Juan 3:19

Ni konna he u págmahal tam, nakasigudu kitam a nabiyag kitam ayun tu tatahoden. Ni balisaán kitam man nu konsensiya tam, maare kitam a umatubang tu Diyos a mapayapa ta tukoy tam a u Diyos, ay makákkagbiyán kasera tu konsensiya tam sakay tukoy na a atanan.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

Lukas 23:3

Tinanung siya ni Pilato, “Hiko beman u hare nu Judio hide?” “Hiko dán nagkagi ye,” tábbeg ni Jesus.

Markos 15:2

Nikuna a katoy dán hod hide ay tinanung siya ni Pilato, “Hiko beman u hare nu Judio hide?” Timmábbeg ti Jesus, “Kinagi mo dán.”

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

Juan 3:32

Kakkagiyan na u netan na sakay u nasaneg na ti langet, pero sasangan la u maniwala tu kinákkagi na.

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Mateo 27:11

Káttapos ay inyangay de ti Jesus tu gubernador. “Hiko beman u Hari nu Judio hide?” tanong nikuna nu gobernador. Timmábbeg ti Jesus, “Hiko dán u nagkagi.”

Pahayag 3:14

Isulat mo be iye tu anghel nu gurupo nu mánnampalataya hide ti Laodicea: Iye u pekagi nu te ngahan a Amen, u matapat sakay tatahoden a tistigu, sakay siya u pinaggábwatan nu atanan a linalang nu Diyos.

Pahayag 1:4

Iye ay gábwat nikán a ti Juan: U sulat ko a iye ay para nikam a pitto a grupo nu mánnampalataya hide ni Cristo a mamaggipun-ipun tu pitto a banuwan ti Asia. Magkahod kam nakwa ti kapayapaan sakay págpapala a gábwat tu Diyos. Diyos tu kasalukuyan, Diyos tu nakalipas, sakay Diyos tu pademát. Sakay gábwat tu Ispirito a te pitto a gawain, a katoy tu atubang nu trono na.

1 Juan 3:14

Tukoy tam a inumagton kitamon tu biyag gábwat tu kamatayan. Tukoy tam iye dipo mahal tam u kákkapatkákka tam hide. U awan magmahal ay manatile a hiwalay tu Diyos.

Lukas 22:70

Sakay kinagi de a atanan, “Gusto muway a kagiyán ay hiko u Anak nu Diyos?” Timmábbeg siya, “Hikamon nagkagiyay a hikán ngane.”

Markos 14:62

Nadid ay nagupos dán ti Jesus, kinagi na, “Hikán ngane, sakay hikán a Anak nu Tolay ay ketan moy, a mággetnod tu kawanan nu makapangyariyan a Diyos. Sakay ketan moy u káddemát kuhe ti munduwáy a kaguman nu diklám ti langet.”

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 8:45

Pero hikán, u kákkagiyán ko ay tatahoden, kanya umád kam a maniwala ti iye.

Juan 8:46

Ti deya nikam makapángkagiyay a nakagimiták ti kasalanan? Tatahoden u kákkagiyán ko nikam. Bakin a umáddák moy a paniwalaan?

1 Juan 2:21

Magsulaták nikam bakán a dipo awan moy palla tukoy u tatahoden nan dipo tukoy moy dán iye. Sakay tukoy moy be a awan ti kakabuliyan a maggábwat tu tatahoden.