Juan 18:36 - U Maganda A Baheta Ni Jesu-Cristo

³⁶ Kinagi ni Jesus nikuna, “U kahariyan ko ay bakán a he ti munduway. Ni katoy he u kahariyan ko ay u alagad ko hide ay mákpaglaban para awanák madakáp nu Judio hide. Pero bakán a he u kahariyan ko.”

Juan 18:36 Referans Kwoze

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Juan 6:15

Tukoy ni Jesus a plano nu tolay hide a pilitán siya a magin hare de. Kanya huway siya a limmakad hod sakay naggeessa a immangay tu buked.

1 Timoteo 6:13

Tu ngahan nu Diyos a mangatád ti biyag tu atanan a bagay, sakay tu ngahan ni Cristo Jesus a nagpatunay tu atubang ni Poncio Pilato ay iyutus ko niko

Mateo 26:53

Awan mo beman tukoy a makaagedák tu Ama ko ti libo libo a anghel hide sakay paangayan na hide a pagdaka?

Lukas 12:14

Pero timmábbeg siya, “Deya beman u nangatád nikán ti karapatan a magin huwes oni manghate tu mana moy?”

Juan 8:15

Maghatul kam a ayun tu pághatul la nu tolay, pero awanák ti hatulan maskin ti deya.

Juan 18:35

Timmábbeg ti Pilato, “Judiowák beman? Inyangay ka he nikán nu kabanuwan mo hide sakay tu puno nu Saserdote hide. Ánya beman ginimet muway?”