Juan 18:18 - U Maganda A Baheta Ni Jesu-Cristo

¹⁸ Nadid, ti itod a gibi ay madágnen, kanya mágtaknág tu lebut nu apoy u utusan hide sakay u guwardiya hide para magendu, maski ti Pedro ay nákhalo bi hod nide para mákpagendu.

Juan 18:18 Referans Kwoze

Markos 14:54

Immunonod bi hod ti Pedro, pero adeyo la u distansiya na ni Jesus. Simmáddáp siya tu sássáddáppan nu bilay nu pinakapuno nu Saserdote hide, sakay nákpággetnod siya tu mágbantay hide a magendu tu apoy.

Juan 18:25

Nadid, nikuna a mágtaknág ti Simon Pedro a adene tu apoy a magendu. Tinanung siya nadid nu katoy hod hide, “Awan beman essa ka be tu disepulus na hide?” Impamen iye ni Pedro, “Awan.”

Juan 21:9

Tu káawas de tu digdig ay netan di hod u maggangat a apoy a tehhod dán a neapoy a ikan, sakay ti sasangan a tinapay.

Markos 14:67

Nikuna a ketan na ti Pedro a magendu tu adene nu apoy ay minámmalas na siya sakay kinagi na, “Awan beman kaguman ka be ni Jesus a taga-Nazaret?”

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

Gimet 4:23

Nikuna makaluwas dán di Pedro sakay ti Juan, ay immangay hide tu kakagumanan de hide sakay imbaheta de ni ánya u kinagi nu puno nu saserdote hide sakay u puno nu Judio hide.

Lukas 22:44

Dipo tu hirap a áisipán na ay lalo siya a nagdasal ti husto. Timmákták tu luta u inet na a kumán a dáddakkál a tuhog ni dige.

Juan 18:3

Kanya immangay hod ti Judas, kaguman na u makpal a sundalo a Romano sakay u guwardiya hide tu templo a pinaangay hod nu puno nu Saserdote hide sakay Pariseo. Tehhod hide a tawed a simbuwan sakay te mga armas hide.