Juan 17:11 - U Maganda A Baheta Ni Jesu-Cristo

¹¹ Sakay nadid ay soliyák dán niko, iwahak ku dán i munduwáy, pero hide ay manatile hide he ti munduwáy. Ama a Banal, bantayan mu ped hide tu pamamag-itan nu kapangyariyan nu ngahan mo, a inyatád mo nikán, tán magin essa hide a konna nikita.

Juan 17:11 Referans Kwoze

Mateo 6:9

Kanya magdasal kam a te kahulugan a konna he “Amáng a Diyos ti langet, ilangkaw nakwa nu tolay hide u ngahan mo.

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Filipos 2:9

Kanya inlangkaw siya nu Diyos tu kataasan sakay inyatád na nikuna u ngahan a higit tu atanan a ngahan.

Juan 17:25

Ama, a Banal maski ni awan ka tukoy nu taga-mundu hide ay tukoy taka, sakay tukoy nu maniwala hide a hiko u nangpaangay he nikán.

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Juan 14:20

Tu káddemát ni itona a odas ay matukuyan moy a hodák tu Ama. Sakay hikam ay hod kam be nikán, sakay hikán ay hodák be nikam.

Judas 1:1

Hikán ay ti Judas, a tagapagserbi ni Jesu-Cristo, a wadi ni Santiago. I sulat kuwáy ay para tu pinile hide nu Diyos, a mabiyag tu págmahal nu Diyos a Ama sakay áalagaan ni Jesu-Cristo.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

Gimet 3:21

Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

Pahayag 4:8

Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he: “Banal, banal, banal, u Panginoon a Diyos a makapangyariyan tu atanan. U Diyos tu sapul, Diyos nadid sakay Diyos tu pademát.”

1 Pedro 1:5

Dipo tu pánniwala moy ni Jesu-Cristo kaya ingatan kam nu kapangyariyan nu Diyos, mentaras a maguhay kam tu kaligtasan a iyatád na káddemát nu katapusan a aldew.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

1 Corinto 1:10

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

Roma 12:5

konna labe nikitam a manampalataya. Makpal kitam, pero nabuo kitam tu eessa a bággi ni Cristo, sakay balang essa ay parte nu kada essa.

Roma 9:17

Dipo ayun tu Kasulatan, kinagi nu Diyos ni Faraon a hare ti Egipto, “Indátton taka a hare tánni tu pamamag-itan nu gimitán ko a kontara niko ay mepeta u kapangyariyan ko sakay makilala u ngahan ko ti munduway.”

Juan 16:28

Naggábwaták ngane tu Ama sakay immangayák he ti munduwáy. Pero nadid ay lumakadák dán he ti munduwáy ta soliyák dán tu Ama.”

Juan 7:33

Kinagi ni Jesus, “Awanák moy dán makaguman ti malay, sakay káttapos ay soliyák dán tu nangpaangay he nikán.

Mateo 10:16

Kinagi pa ni Jesus tu sapulo ay ti duwwa a apostol na “Pakatandaan moy, paangayán takam tu tolay hide a umád nikán. Kumán kam a tupa a indátton tu bállog nu mágkatapang hide a hayup. Kanya ilagen moy hide konna tu biklat a alisto umilag dipo tukoy na a mepadukás siya. Pero magin mabait kam nide konna tu kalapate.

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Pahayag 19:12

Kumán a maggehab a apoy u mata na, sakay makpal siya a kurona. Sumássulat tu bággi na u ngahan na, pero siya la i makatukuya'y tu gustu na a kagiyán.

Pahayag 15:4

Maskin deya ay manteng niko Panginoon! Atanan ay mángpahayag tu kadakilaan mo! Dipo hiko la u banal! U atanan a bansa ay umadene sakay sumamba niko, dipo netan nu atanan u gimet mo a banal.”

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

1 Juan 3:12

Dyan kitam umaheg ni Cain; Naghare nikuna ti Satanas. Binuno na u wadi na. Bakin? Dipo madukás u gimet na pero matuwid u gimet nu wadi na.

Juan 17:6

Inpakilala taka tu tolay hide a inyatád mo nikán ti munduwáy. Kao mo hide sakay inyatád mo hide nikán, sakay sinunud de u upos mo.

Juan 17:23

Hikán ay hod nide sakay hiko ay hod nikán, tánni tatahoden a magin essa hide. Tán matukuyan nu taga-mundu hide a pinaangayák mu he, sakay matukuyan di be a mahal mo u maniwala hide a konna tu págmahal mo nikán.