Juan 15:11 - U Maganda A Baheta Ni Jesu-Cristo

¹¹ Kinagi ko nikam i bagayan iye hide, para makahate kam tu kasayaan ko sakay magin tunay u kasayaan moy.

Juan 15:11 Referans Kwoze

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Juan 17:13

Pero nadid ay soliyák dán niko. Kákkagiyán ko i bagayan iye hide mentaras a hodák palla he ti munduwáy tán magkahod hide ti kasayaan a konna nikán.

Juan 16:24

Hanggan nadid ay awan kam palla ti inaged nikuna tu pamamag-itan nu ngahan ko. Mangaged kam tán makatanggap kam, tán magin tunay u kasayaan moy.”

1 Juan 1:4

Insulat mi iye tánni magin tunay u kasayaan tam.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

2 Juan 1:12

Makpalák pa nakwa a ikagi nikam pero awan ko dálla isulat. Dipo umasaák a makaangayák hina sakay makauhon takam tánni mas masaya kitam a tahod.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

2 Corinto 1:24

Bakán a gusto mi kam a págdipalonguwan tu pánnampalataya moy nan gusto mi la a tumulung tánni magin masaya kam tu pánnampalataya moy. Dipo matatag kamon tu pánnampalataya moy hina.

1 Tesalonica 5:16

Pirme kam a magsaya.

Lukas 15:32

Pero dapat kitam a magsaya dipo u wadi mo a akala tam ay patay dan ay nagsole a huway, pero netan bila.”

Lukas 15:9

Ni ketan na dán iye ay akitán na u barkada na hide sakay u kadatig na hide a bilay sakay kagiyán na nide, ‘Mákpagsaya kam nikán, dipo netan ku dán u nebut ko a silber a pilak!’

Filipos 1:25

Dipo ti iye ay nakasiguduwák a mabiyagák palla sakay makaguman moy palla a atanan, tánni matulungan kam a magtulos-tulos a te kasayaan tu pánnampalataya tu Panginoon.

Efeso 5:18

Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam.

Juan 3:29

Konna tu essa a bábbey a ikasal, u bábbey a ikasal ay para tu lállake a ikasal, u kaibigan nu ikasal ay masaya a maguhay tu káddemát nu lállake a ikasal. Konnaák bi hod, tunay i kasayaan kuwáy nadid ta angay dán u tolay hide tu kán Jesus.

Lukas 15:5

Ni ketan na dán ay masaya siya a mangbabákláy tu tupa para isole.

Lukas 15:23

Sakay alapán moy u pinatabiyan a dumalaga a baka sakay bunuwan ta kuman kitam sakay magsaya!