Juan 14:3 - U Maganda A Baheta Ni Jesu-Cristo

³ Kapag nakaangayák dán hod sakay nepaghanda takamon ti páppágyanan moy ay soliyák sakay kuyugán takamon tu páppágyanan ko para maski ni hádyaák ay hod kam be.

Juan 14:3 Referans Kwoze

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Gimet 1:11

Kinagi de, “Hikam a taga-Galilea hide, bakin katoy kam pa he a umáeleng ti langet? Ti Jesus a netan moy a immangay ti langet ay sole siya a konna tu netan moy a káangay na ti langet.”

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

Juan 14:28

Nasaneg moy dán u kinagi ko tu itod a lumakadák pero soliyák labe nikam. Ni mahalák moy ay masaya kam tu káangay ko tu Ama, dipo mas dakila u Ama nan hikán.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

2 Tesalonica 1:12

Para tu konna hod ay puriyán nu iba hide a tolay u Panginoon Jesus, dipo tu ugale moy a maganda. Sakay maparangalan kam be a kaguman na. Mangyare ina dipo tu kagbi nu Diyos, sakay nu Panginoon Jesu-Cristo.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.

Filipos 1:23

Ti duwwaan iye a pagpiliyan ay he dák ti ballog: ni mabiyag palla oni matay dán. Gusto ku dán nakwa a matay tánni makaguman ko dán ti Cristo, dipo iye u mas maganda para nikán.

Juan 14:4

Sakay tukoy moy dán u dilan a patamo tu angayan ko.”