Juan 14:26 - U Maganda A Baheta Ni Jesu-Cristo

²⁶ Pero ni nakalakadák dán, u tagagiyya nikam ay u Banal a Ispirito a paangayán he nu Ama. Siya u mangtoldu nikam tu atanan a bagay sakay mángpaala-ala nikam tu atanan a kinagi ko nikam.

Juan 14:26 Referans Kwoze

Juan 15:26

Káttapos ay kinagi ni Jesus, “Paangayán ko nikam u Banal a Ispirito a gábwat tu Ama. Siya u mánggiya nikam, sakay itoldu na nikam u tatahoden. Káddemát na ay siya u mángpatunay ni ti deyaák a talaga.

Juan 14:16

Sakay magdasalák tu Ama a atádden nakam ti Banal a Ispirito, siya u Tagagiyya nikam, kaguman moy siya a hanggan-hanggan.

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.

Juan 16:7

Pero kagiyan ko nikam u tatahoden a para tu kapiyyaan moy u kállakad ko, dipo awan he umangay u Banal a Ispiritu a tagagiyya nikam, ni awanák lumakad. Pero ni lumakadák ay paangayán ku he siya nikam.

1 Juan 2:20

Pero inyatád dán nikam u Banal a Ispirito kaya tukoy moy dán u tatahoden.

1 Corinto 6:19

Awan moy beman tukoy a u bággi moy ay templo nu Banal a Ispirito a kátna nikam sakay tinanggap moy a gábwat tu Diyos? Kaya awan moy dán kao u bággi moy.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Efeso 1:17

Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Juan 2:22

Kanya nikuna a mabiyag siya a huway, naala-ala nu disepulus na hide i kinagi na an iye, sakay naniwala hide tu kinagi nu Kasulatan sakay tu kinagi hide ni Jesus.

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.

1 Juan 5:7

Kanya tehhod a tállo a makapagpatunay a ti Jesu-Cristo ay Anak nu Diyos:

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

Lukas 24:49

Tandaan moy, paangayán kuhe u inpananto nu Ama ko, kaya dyan kam lumakad ti Jerusalem mentaras a awan kam pagkaluuben nu kapangyariyan a gábwat ti langet.”

Judas 1:20

Pero kákkapatkákka ko hide, magpakatatag kam tu malinis moy a pánnampalataya. Magdasal kam tu tulung nu Banal a Ispirito.

Hebreo 9:8

Ti iye a ayus na ay malinaw a ipakapospos nu Banal a Ispirito a u dilan a patamo tu Lugar a Kabanalan ay awan palla bukas mentaras a mágtaknág palla u date a tolda a págsambaan.

Hebreo 3:7

Kanya konna tu kinagi nu Banal a Ispirito, “Ni masaneg moy nadid u upos nu Diyos ay,

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

1 Corinto 12:3

Kaya gusto ko a matukuyan moy a maski nikan ay awan makagi nu tolay a igággiya nu Ispirito nu Diyos a, “Sumpaán ti Jesus!” Sakay awan be makagi nu maskin deya a, “Panginoon ti Jesus,” ni awan siya igiya nu Banal a Ispirito.

2 Pedro 1:21

Dipo u hula nu prupeta hide ay bakán a gábwat tu isip nu tolay, nan tu Diyos. Pero tu tulung nu Banal a Ispirito ay impakapospos de u kinagi hide nu Diyos.

Lukas 11:13

Ni hikamon a mágkadukás hide a tolay ay makabeto a mangatád tu mágkaganda hide a bagay tu anak moy, itod pa beman u Ama moy ti langet! Iyatád na u Banal a Ispirito tu mangaged hide nikuna!”

Roma 15:16

a magin utusanák ni Jesu-Cristo para tu bakán hide a Judio. Magserbiyák tu bakán hide a Judio a konna tu essa a saserdote sakay impangaral nide u Maganda a Baheta nu Diyos. Gimitán ko iye tánni magin alay hide a katanggap-tanggap tu Diyos, a nelaan nikuna tu pamamag-itan nu Banal a Ispirito.

Lukas 1:41

Nikuna masaneg ni Elizabet u pángngumusta ni Maria ay bigla a nagahikád u anak tu tiyan na sakay naputat siya ti Banal a Ispirito.

Mateo 3:11

Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.

2 Timoteo 1:14

Tu tulung nu Banal a Ispirito a katoy nikitam, ay ingatan mo u atanan a tatahoden a toldu a nepagkatiwala niko.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 5:5

Sakay awan kitam mabigu-bigu tu pag-asa tam dipo impabate na nikitam u págmahal na tu pamamag-itan nu Ispirito Santo a inyatád nikitam nu Diyos.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 11:16

Sakay naisip ko u kinagi nu Panginoon, ‘Ti Juan ay nagbawtismo ti dinom, pero bawtismuwan kam nu Banal a Ispirito.’

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Juan 20:22

Tu pákkakagi na ti iye ay inangássan na hide sakay kinagi na, “Tanggapán moy u Banal a Ispirito.

Juan 6:45

Ayun tu insulat nu prupeta hide, ‘Tolduwan hide a atanan nu Diyos.’ Kanya u atanan nu mágsaneg sakay nakatukoy tu Ama ay umadene nikán.

Markos 13:11

Ni dakáppán dikam sakay bistaán ay diyan kam manteng tu kagiyán moy. Dipo ti itod a odas ay tulungan kam nu Banal a Ispirito ni ánya i dapat moyay a kagiyán.”

Mateo 1:20

Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu.

Hebreo 10:15

Pinatunayan bi iye nu Banal a Ispirito nikitam. Purumero ay kinagi na,

Juan 12:16

Tu dipalongo ay awan iye naintendiyan nu disepulus hide ni Jesus. Pero nikuna a makasole dán ti Jesus ti langet ay hod de a naintendiyan a u nakasulat tu Kasulatan ay tungkul ni Jesus sakay itod u nangyare.

Markos 12:36

Awan beman ti David dán u nagkagi tu tulung nu Banal a Ispirito a: ‘Kinagi nu Panginoon tu Panginoon ko, Mággetnod ka tu kawanan ko, hanggan a mapasuko ko niko u kadima mo hide.’

Pahayag 2:11

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay awan dán makadanas tu kaduwwa a kamatayan.

Efeso 1:13

Hikam be ay nagin sakup nu Diyos dipo nikuna masaneg moy u Maganda a Baheta nu kaligtasan ay simmanpalataya kam ni Cristo. Kanya impagkaluub nikam u Banal a Ispirito a inpananto nu Diyos bilang tanda a pinile na kam.

2 Corinto 6:6

Pinatunayan me a tagapagserbi kame nu Diyos tu pamamag-itan nu malinis a kákkabiyag, karunungan, págtiyaga, kabaitan, tu pamamag-itan nu pángdipalongo nu Banal a Ispirito sakay tapat a págmahal.

Gimet 20:35

Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

Gimet 15:8

U Diyos a makatukoy tu isip nu balang essa i nángpatunayay a tinanggap na dán u Hentil hide nikuna inyatád na nide u Banal a Ispirito a konna labe nikitam.

Gimet 7:51

Talaga makásseng ulo moye! Awan palla nabagu i isip moye! Umád moy a sanigán u tatahoden! Ni ánya u ginimet nu dáddakál moy hide, ay itod be i gággimitán moyay. Masássuwayán kam a pirme tu Banal a Ispirito.

Gimet 1:4

Essa aldew mentaras kuman hide a kaguman ni Jesus ay kinagi na, “Dyan kam pa lumakad ti Jerusalem. Uhayán moy u Banal a Ispirito a inpananto nu Diyos Ama. Kinagi ko dán iye nikam tu itod.

Gimet 1:2

hanggan tu aldew a simmole siya ti langet. Bagu siya a simmole ti langet ay binilinan na u pinile na hide bilang apostol tu pamamag-itan nu Banal a Ispirito. Káttapos nu pághirap na ay pimmeta siya nide ti sangan a beses, tánni patunayan na a biyag siya. Pimmeta siya nide tu alay nu kuwarenta a aldew sakay nagtoldu tungkul tu pághare nu Diyos.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

Lukas 3:22

sakay ummogsad nikuna u Banal a Ispirito a konna tu kalapate. Essa a boses u gábwat ti langet u nasaneg de a nagupos, “Hiko u pinakamamahal ko a anak; masayaák niko a tahod.”

Lukas 1:67

Naputat ti Banal a Ispirito ni Zacarias a ama nu anak sakay naghula ti mensahe a gábwat tu Diyos,

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Lukas 1:15

dipo magin dakila siya tu pangileng nu Panginoon. Awan siya dapat a uminom ti alak oni ányaman a áinumán a makalasing. Sakay he palla siya tu tiyan nu ina na ay atádden dán siya ti kapangyariyan nu Banal a Ispirito.

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Gimet 28:25

Kanya nikuna a awan hide mamágkasundu ay limmakad hide káttapos iye a kagiyán ni Pablo, “Tahod u kinagi nu Banal a Ispirito tu nunu tam hide tu pamamag-itan ni prupeta Isaias:

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Gimet 15:28

Dipo tu tulung nu Banal a Ispirito ay naisipan me a diyan kamon atádden ti agum pa a utus nan u mágkahalaga la hide a bagay, konna ti iye hide:

Gimet 13:4

Nadid, inyutus nu Banal a Ispirito di Bernabe ay ti Saulo a umangay ti Seleucia. Sapul hod ay nággabeng hide tu dakal a abeng a paangay ti Chipre a dakál a puduk.

Gimet 7:55

Pero naputat siya ti Banal a Ispirito, kanya immileng siya ti langet kaya netan na u demlag nu Diyos sakay kaguman na ti Jesus a maghare.

Gimet 5:3

Kanya kinagi ni Pedro, “Ananias, bakin nagpadaig ka ni Satanas sakay nagbule-bule ka tu Banal a Ispirito? Bakin binawasan mo u naglakuwan mo tu luta?

Lukas 2:25

Nadid, tehhod a essa a lállake a magyan ti Jerusalem a Simeon u ngahan na. Malinis siya a tolay sakay te ánteng tu Diyos sakay u Banal a Ispirito ay katoy nikuna. Makán uhayán siya ni nikán a dumemát u Cristo a mángligtas tu lahe ni Israel.

Mateo 1:18

Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu.

Juan 1:33

Tu itod ay awan ku be siya talaga kilala ni ti deya siya, pero u Diyos a nagutus nikán a magbawtismo ti dinom u nagkagi nikán, ‘Ni ketan mo a umogsad u Banal a Ispirito sakay mágyan tu essa a tolay, i tolayan ina ay magbawtismo ti Banal a Ispirito.’

Juan 14:25

Kagiyán ko iye hide a bagay nikam, mentaras a kagumanák moy palla.