Juan 12:39 - U Maganda A Baheta Ni Jesu-Cristo

³⁹ Konna tu kinagi pa ni Isaias, awan hide maniwala dipo:

Juan 12:39 Referans Kwoze

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!

Juan 10:38

Pero ni ginimet ko u ipagimet hide nu Ama ko, maski ni umád moy a maniwala nikán, maniwala kam tu ginimet ko hide para maintendiyan moy a u Ama ay katoy nikán sakay hikán be ay katoy tu Ama.”

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Juan 6:44

Awan ti makaadene nikán maliban ni akitán siya nu Ama a nangpaangay he nikán. Sakay u umadene hide nikán ay biyagán ko a huway tu katapusan a aldew.

Juan 12:38

Para ti konna hod ay matupad u kinagi ni Prupeta Isaias, “Panginoon, tideya u maniwala tu kinagi me? Kandeya mo a impeta u kapangyariyan mo?”

Juan 12:40

“Hikán a Diyos binuhák ko u mata-mata de sakay pinaigát ko u puso de, tán awan maketa u mata-mata de sakay awan makaintende u isip de, dipo makay magsole hide nikán, sakay pagpiyyaán ko hide.”