Juan 12:36 - U Maganda A Baheta Ni Jesu-Cristo

³⁶ Kanya sumampalataya kam tu demlag mentaras a hed palla he, tán magin tolay kam nu demlag.” Kattapos na iye a kagiyán ay limmakad siya a timmagu nide.

Juan 12:36 Referans Kwoze

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

1 Tesalonica 5:5

Sakup kamon nu Diyos. Kaya mabiyag kamon a atanan a konna tu essa a katoy tu demlag, bakán a konna tu essa a katoy tu kadiklámman.

Juan 8:59

Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.

Lukas 16:8

Pinure nu amo na u katiwala a madaya dipo impeta na a mautak siya. Dipo mas malalake a maggimet ti paraan u makamundu hide a tolay tu biyag de nan u tolay hide a te ánteng tu Diyos.”

Juan 11:54

Kanya awan dán lantad a pumeta ti Jesus tu Judio hide nan immangay siya tu lugar a adene tu kaparangan, tu essa a banuwan a ni dulawán ay Efraim. Sakay hod pahod siya a nákpágyan kaguman nu disepulus na hide.

Juan 1:7

Pinaangay na ti Juan tu tolay hide, para ikagi na nide u ngángngahanan tam a demlag, para maniwala hide nikuna a atanan.

1 Tesalonica 5:8

Pero hikitam a sakup dán nu demlag ay dapat kitamon a magisip ti maayus. U pannampalataya sakay pagmahal u kuman a pangsangga a Isulot tam. Sakay u pag-asa nu kaligtasan a gimitán nikitam nu Diyos u kuman a helmet a mang-ingat nikitam.

Juan 3:21

Pero u mabiyag tu tama ay umadene tu demlag, tán matukuyan nu atanan a u gimet na a mágkaganda ay nagimet na tu págsunud tu Diyos.

Mateo 21:17

Hinumektat ti Jesus tu banuwan sakay nanamo ti Betania. Hod siya a nagpalipas ti gibi.

Mateo 5:14

Hikam be ay kumán a demlag ti munduway. Awan ti makapángtagu tu essa a banuwan a hod tu toktok nu buked.

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Juan 12:37

Maski ni netan nu Judio hide u makpal a makataka-taka a ginimet ni Jesus ay awan pade hide maniwala nikuna.

Juan 12:46

Immangayák he para demlag ni munduway, tan deya man u maniwala nikán ay awan manatili tu kadiklámman.