Hebreo 9:10 - U Maganda A Baheta Ni Jesu-Cristo

¹⁰ I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.

Hebreo 9:10 Referans Kwoze

Colosas 2:16

Kanya dyan kamon pasakup tu ánya man a patakaran tungkul tu makan oni mainom, tungkul tu piyesta, tu bigu a bulan oni tu Aldew nu Káimang.

Efeso 2:15

Inibutan na u bisa nu Kautusan a puro utus sakay patakaran tánni pagessaán na u duwwa a lahe nu tolay para ti konna hod ay maghare u kapayapaan.

Hebreo 7:16

Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Hebreo 9:1

U dipalongo a kasunduwan ay tehhod a patakaran tu págsamba sakay tu págsambaan a katoy ti lutaáy.

Hebreo 6:5

Nadanas di dán be u kagandaan nu upos nu Diyos, sakay u kapangyariyan nu Diyos a maghare tu dumemát a panahun.

Hebreo 2:5

Sakay bakán a u anghel hide u pinile nu Diyos a mamahala tu bigu a mundo a lalangán na, iye u mundu a kákkagiyán me.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

Hebreo 6:2

tu bawtismo, tu págtupo ti kamát ni te ipagdasal, u kákkabiyag a huway, sakay tungkul tu pághatul nu Diyos tu tolay hide a makasalanan a hide ay maparusaan tu awan ti kahád.

Efeso 1:10

káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Markos 7:4

Kággábwat de ti palengke ay awan hide kuman mentaras a awan hide makadigus. Sakay makpal palla hide a sunudán a kaugaliyan ni kodya u págguges tu iba de a kasangkapan.

Hebreo 7:12

Ni baguwán u pagkasaserdote ay kailangan be a baguwán u Kautusan.