Hebreo 8:5 - U Maganda A Baheta Ni Jesu-Cristo

⁵ U tungkulin de ay inaheg dila sakay anino nu katoy ti langet. Dipo nikuna a itaknág ni Moises u tolda ay kinagiyan siya nu Diyos, “Gimitán mo u atanan a bagay a ayun tu impeta ko niko tu buked.”

Hebreo 8:5 Referans Kwoze

Colosas 2:17

Iye hide ay anino la nu bagay hide a pademát. Pero ti Cristo u katupaden ni iye hide a atanan.

Hebreo 10:1

U Kautusan ay mage-anino la, bakán a tatahoden a letrato nu mágkaganda a bagay a dumemát. Awan iye mangpabanal tu umadene hide tu Diyos a magalay kada taon.

Hebreo 9:9

Itod hide ay mage anino la, u gusto na a ipakapospos ay u panahun nadid a kasalukuyan. U kaluub hide sakay u alay hide hod ay awan makapangpabanal tu sumamba hide.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

Gimet 7:44

Nadid, kinagi ni Esteban, “Nikuna katoy tu parang u nuno tam hide ay katoy nide u badit a templo a mángpakapospos nide a kaguman de u Diyos. Ginimet de u Tolda nu Kasunduwanan itod a konna tu sukat sakay idsura a intoldu nu Diyos ni Moises.

Mateo 2:12

Nadid linakad de u iba a dilan a soli tu bansa de dipo binawalan hide nu Diyos tu pamamagitan nu tagináp a dyan dán hide soli ni Herodes.

Hebreo 13:10

Tehhod kitam a altar, sakay u saserdote hod hide a magserbi tu págsambaan nu Judio hide ay awan maare a kuman tu alay tam hod.

Pahayag 15:5

Káttapos ni iye ay netan ko a bimmukas u templo ti langet, sakay netan ko hod u Lugar a Kabanalan.