Hebreo 2:3 - U Maganda A Baheta Ni Jesu-Cristo

³ Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Hebreo 2:3 Referans Kwoze

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Roma 2:3

Pero ti deya ka a humatul tu iba ni mismo a hiko ay maggimet ti konna hod? Tu palagay mo, makaiwas ka beman tu hatul nu Diyos ni hatulan mo u agum a mággagimitán ti madukás a gággimitán mo labe?

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Gimet 4:12

Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Lukas 1:2

Insulat de u ayun tu intoldu nu tolay hide a naketa tu ginimet ni Jesus sapul tu sapul sakay nangaral tu upos nu Diyos.

Pahayag 7:10

Sakay kinagi de ti mabegsák, “U kaligtasan ay gábwat tu Diyos tam a mággetnod ti trono we, sakay konna bi hod tu Tupa!”

Tito 2:11

Dipo impeta dán nu Diyos u kagbi na a makapangatád ti kaligtasan tu atanan a tolay.

1 Timoteo 1:15

Tatahoden iye a pahayag kaya dapat a paniwalaan nu atanan: Dimmemát ti lutaáy ti Jesu-Cristo para iligtas u makasalanan hide. Sakay hikán u pinakamadukás tu atanan.

Mateo 23:33

Malinlang kam konna tu biklat! Awan kam talaga makaiwas, maparusaan kam ti impiyerno!

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Juan 15:27

Hikam be ay dapat magpatunay tungkul nikán, dipo kaguman takamon sapul pa ti sapul.”

Lukas 24:19

Tinanung na hide, “Ánya beman itod hide a pangyayare?” Timmábbeg hide, “Tungkul tu nangyare ni Jesus a taga-Nazaret, essa a prupeta a makapangyariyan tu gimet sakay tu pagtoldu na, magin tu atubang nu Diyos sakay tu tolay hide.

Markos 1:14

Nikuna a nepireso ti Juan ay immangay ti Jesus ti Galilea sakay nagtoldu hod siya tu Maganda a Baheta a gábwat tu Diyos.

1 Tesalonica 5:3

Kapag kagiyán nu tolay hide a, “Tehhod a kapayapaan sakay awan kitamon ti kabalisaan” ay hed hod a bigla a dumemát u parusa a konna tu biglaan a paggássok nu essa a mabuktet. Kaya awan hide makaiwas ti iye.

Lukas 1:69

Nangatád nikitam u Panginoon ti makapangyariyan a tagapagligtas, a gábwat tu lahe ni hare a David a tagapagserbi na.

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Roma 11:14

Tu pamamag-itan ni iye ay baka sakale la a mapasene ko u kapareho ko hide a Judio tánni sumampalataya u sangan nide sakay maligtas.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

Hebreo 1:1

Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide.

Hebreo 1:14

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

1 Juan 1:1

Summulat kame nikam tungkul nikuna a tu sapul pa ay átna dán, u Upos a Makapangatád ti Biyag. Nasaneg mi siya, sakay netan me, namámmalas sakay natawiden.

Judas 1:17

Mahal ko hide a kákkapatkákka, pirme moy a tandaan u kinagi hide nikam nu apostol hide nu Panginoon tam a ti Jesu-Cristo.