Hebreo 2:14 - U Maganda A Baheta Ni Jesu-Cristo

¹⁴ Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Hebreo 2:14 Referans Kwoze

2 Timoteo 1:10

Sakay nehayag la iye nikuna dumemát ti Cristo Jesus a Tagapagligtas tam. Natalo na u kamatayan sakay inhayag na ate hod a biyag a awan ti kahad tu pamamag-itan nu Maganda a Baheta.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Colosas 2:15

Tu pamamag-itan nu kákkatay na tu kudus, ay natalo na ti Satanas sakay u mágkadukas hide a ispirito a pamunuwan na. Sakay impeta na tu atanan a hide ay awan dán ti kaya a mamuno nikitam Iye u katunayan a nagtagumpay siya.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Hebreo 2:18

Dipo naranasan na a tinokso sakay naghirap, kanya matulungan na be nadid u toksuwán hide.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Juan 12:24

Tandaan moy: maliban a matákneg tu luta u essa a butil nu pahay sakay matay ay manatile itod a mággeessa. Pero ni memula ay magbunga itod ti makpal.

Pahayag 20:2

Dinakáp na u dragon, iye u biklat tu itod a panahun, siya u Diyablo oni Satanas. Sakay inggapus na tu alay nu sanglibu a taon,

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

1 Corinto 1:28

Pinile nu Diyos u neturing hide nu mundu a mababa a tolay, awan ti halaga, sakay awan ti kabuluhan ti munduwáy tánni ipeta nu Diyos a u inturing a mahalaga nu tolay he hide ti munduway ay inturing nu Diyos a awan ti seserbi.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 10:5

Kanya ngane, nikuna a dimmemát ti Jesus he ti munduwáy, ay kinagi na tu Ama na, “U alay hide a hayup ay awan mo gusto, kanya inhanda mo u bággi ko para magin alay.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

1 Pedro 1:20

Bagu a linalang nu Diyos i munduway ay inlaan na dán ti Jesus para mangtubus nikitam tu kasalanan tam. Kanya nadid a dimodyan a aldew ay immangay he siya ti lutaáy tánni iligtas na kitam.