Hebreo 2:11 - U Maganda A Baheta Ni Jesu-Cristo

¹¹ Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Hebreo 2:11 Referans Kwoze

Hebreo 10:14

Kanya tu pamamag-itan la nu pumensan na a pággalay, ay pinaginbanal na hanggan-hanggan u lininis na hide.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Juan 20:17

Kinagi ni Jesus, “Diyanák mo tawiden, dipo awanák palla simmole tu Ama. Umangay ka tu kákkapatkákka ko sakay kagiyán mo a soliyák dán tu Ama ko a Ama mu be, sakay tu Diyos ko a Diyos mu be.”

Hebreo 13:12

Kaya konna labi hod, natay ti Cristo tu luwas nu banuwan tán malinis na u tolay tu kasalanan de hide tu pamamag-itan nu dige na.

Roma 8:29

Dipo sapul pa tu itod ay tukoy dán nu Diyos ni tideya u para nikuna, pinile na dán hide a magin konna tu Anak na ati Jesus, tánni siya u magin panganay tu makpal a mátkaka.

Juan 17:19

Sakay alang-alang nide ay inlaan ko i sadile kuwáy niko, tán melaan be hide niko tu pamamag-itan nu tatahoden.

Juan 17:21

Ama ipagdasal ko niko, a nakwa magin essa hide a atanan a konna nikita. Ni kodya ka a hod nikán sakay hodák be niko, nakwa hide ay hod nikita, para maniwala u taga-mundu hide a hiko u nangpaangay he nikán.

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

Gimet 17:26

Nilalang na u atanan a lahe ti munduway a gábwat tu essa a tolay sakay pinágyan na hide ti buuwáy a mundu. Intakda na u panahun nu kákkabiyag di he ti munduwáy sakay u kahád nu páppágyanan nu balang essa.

Hebreo 11:16

Pero u gusto de ay u mas maganda a banuwan, u banuwan a katoy ti langet. Kanya awan ingkasanike nu Diyos a dulawán de siya a Diyos de, dipo naghanda na hide ti essa a banuwan.

Markos 8:38

Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”

Mateo 28:10

Kinagi nide ni Jesus, “Dyan kam manteng! Angay kam sakay kagiyan moy tu kákkapatkákka ko hide a umangay hide ti Galilea sakay ketanák de hod!”

Gimet 17:28

Dipo táttawed na u angás tam, pággahikad sakay pagkatolay tam. Konna tu kinagi nu sangan tu mágtula moy hide, ‘Anak na kitam ngani.’

Lukas 9:26

Ni ikasanikiyák moy sakay u upos ko hide, ay ikasanike kam be nu Anak nu Tolay tu kássole na. A tehhod a kapangyariyan iye ay kapareho nu kapangyariyan nu Ama sakay tu banal hide a anghel.

Markos 3:34

Inileng na u tolay hide a katoy tu palebut na, sakay kinagi na, “hide ina kuway sakay wáwwadi kuway!

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.