Hebreo 13:3 - U Maganda A Baheta Ni Jesu-Cristo

³ Isipán moy u nágkepireso hide a kumán a kaguman dikam a nakapireso. Sakay tulungan moy u kákkapatkákka a apiyadu a kumán a hikam u magdanas be ti konna hod.

Hebreo 13:3 Referans Kwoze

Mateo 25:36

Hikán ay awan ti mesulot pero ináttadden moy ti damit. Nagkasakiták tapos inasikasoák moy. Hikán ay nepiriso tapos binisita moy.’

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Roma 12:15

Mákpagsaya kam tu masaya hide, sakay mákpaglungkut kam tu malungkut hide.

1 Corinto 12:26

Ni masakitan u essa a parte, ay masakitan be u atanan a bággi. Ni maparangalan u essa a parte, ay masaya hide a atanan.

Colosas 4:18

Hikán a ti Pablo i nágsulatay ti iye a pángngumusta, tánni matukuyan moy a iye a sulat ay talaga gábwat nikán. Diyan moy kalimunan a nakapiresuwák ipagdasalák moy. Pagpalaán kam nu Diyos.

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.

Mateo 25:43

Hikán ay nagin dayo tu banuwan moy pero awannák moy pinatulos ti maganda. Hikán ay awan ti mesulot pero awannák moy ináttadden ti damit. Nagkasakiták pero awanák moy inasikaso. Hikán ay nepiriso pero awannák moy binisita.’

Gimet 24:23

Káttapos ay inyutus na tu kapitan a bantayan ti Pablo, pero diyan de siya higpitan nan payagen dila siya a bisitaán sakay tulungan nu amigu na hide.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Gimet 27:3

Tu kadimadimangan ay dimmung kame ti Sidon. Mabait ti kapitan a Julio ni Pablo; páppayagen na siya a angay bumisita tu amigu na hide tánni makatulung hide tu kailangan na.

Hebreo 11:37

U agum be ay binábbatikal, tináppeng ti lagadi sakay binuno ti áttak. Nagsulot be u agum ti koblet ni tupa sakay koblet ni kambing. Sakay u agum be ay naklimu-limus, inape-ape, sakay pináppasakitan.