Hebreo 13:13 - U Maganda A Baheta Ni Jesu-Cristo

¹³ Kanya umadene kitam nikuna tu luwas nu banuwan sakay magdanas be ti kadustaan a tiniis na.

Hebreo 13:13 Referans Kwoze

Hebreo 11:26

Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

Mateo 5:11

Pinagpala kam nu Diyos ni insultuwán di kam sakay dustaán sakay bintangán di kam ti sare-sare dipo disepulus takam.

Hebreo 12:3

Isipán moy u tiniis hide ni Jesus a hirap a gábwat tu makasalanan hide a tolay, tánni awan kam manghina ti isip.

1 Pedro 4:4

Kanya, magtaka dán hide ni bakin a awan kamon mákpággagum nide tu pággimet de ti madukás, kanya sidaán dikamon sakay sestiyán.

Mateo 27:32

Kálluwas de tu banuwan, netan de u essa a lállake a nginahanan a Simon, essa a taga-Cirene. Pinilit de ipabaklay nikuna u kudus ni Jesus.

Lukas 9:23

Sakay kinagi na nide a atanan, “Ni deya man u masoh a sumunud nikán ay kailangan a kalimunan na u para tu sadile na. Báklayán na aldew-aldew u kudus na sakay sumunud nikán.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 12:4

Tu pághirap moy kontara tu kasalanan ay awan palla dimmemát tu punto a mabuno kam.