Hebreo 12:4 - U Maganda A Baheta Ni Jesu-Cristo

⁴ Tu pághirap moy kontara tu kasalanan ay awan palla dimmemát tu punto a mabuno kam.

Hebreo 12:4 Referans Kwoze

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Mateo 24:9

Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán.

Pahayag 18:24

Pinarusaan nu Diyos u Babilonia dipo hod di hod a binuno u propeta hide a nángpahayag tu upos nu Diyos, sakay u atanan a tolay nu Diyos, sakay u agum pa a tolay ti lutaáy a binuno hod.

Pahayag 17:6

Netan ko i bábbiyan iye a lasing tu dige nu pinile hide nu Diyos, sakay tu dige nu binábbuno na hide dipo tu kássunud de ni Jesus. Nagtakaák tu pákketa ko nikuna.

Filipos 2:8

Sakay nikuna a nagin tolay siya ay nagpakababa siya sakay nagin masássunudán siya tu Diyos hanggan kamatayan, maski pa u kákkatay na tu kudus.

Hebreo 13:13

Kanya umadene kitam nikuna tu luwas nu banuwan sakay magdanas be ti kadustaan a tiniis na.