Hebreo 12:3 - U Maganda A Baheta Ni Jesu-Cristo

³ Isipán moy u tiniis hide ni Jesus a hirap a gábwat tu makasalanan hide a tolay, tánni awan kam manghina ti isip.

Hebreo 12:3 Referans Kwoze

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

Pahayag 2:3

Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

Juan 5:16

Kanya sapul hod ay dináddusta dán nu Judio hide ti Jesus dipo tu págpapiyya na tu Aldew nu Káimang.

Hebreo 12:5

Makay nalimunan moy dán wád u pagtoldu nu Diyos nikam bilang anak na, “Anak ko, diyan mo baliawanan u pagdisiplina nu Panginoon, sakay diyan ka manghina ti isip ni sawayán na ka.

Lukas 14:1

Nadid, essa Aldew nu Káimang, inakit nu essa a puno nu Pariseo hide ti Jesus a kuman tu bilay na. Sakay áelingan nu komontara hide nikuna u ahikad na hide.

2 Tesalonica 3:13

Kákkapatkákka me hide, diyan kam magsawa a maggimet ti maganda.

Juan 18:22

Nikuna a makagi iye ni Jesus ay dinapang siya nu essa a guwardiya a adene nikuna. Kinagi nu guwardiya, “Bakin a konna ka hina a tumábbeg ti pinakapunuwe ni Saserdote?”

Juan 8:52

Kinagi nu puno nu Judio hide, “Siguradu kame a sináddáp ka ni madukás a ispirito. Ti Abraham ay natay dán sakay nágkatay dán be u prupeta hide, pero kinagi mo a awan mata-matay u deyaman a mangtupad tu toldu mo.

Juan 8:59

Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.

Juan 8:13

Nikuna a masaneg iye nu Pariseo hide ay kinagi de, “Hiko la u magupos ti ina tungkul ti sadile muwe, kanya awan kame maniwala ta hiko labe u mangpatunay ti sadile muwe.”

Juan 7:12

Sakay u tolay hod hide ay garabi u pángbábbaheta de ni Jesus. U agum ay magkagi, “Mabait siya a tolay.” Kagi be nu agum ay, “Awan, lállokuwán nala u tolay hide.”

Lukas 16:14

Nikuna masaneg iye nu Pariseo hide ay kinatawaan de ti Jesus dipo masássohan hide ti pilak.

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 5:21

U maisto hide nu Kautusan sakay u Pariseo hide ay nággisip-isip sakay namágguhon-uhon hide, “Deya ben iye a tolay a magkukunware a Diyos? Awan beman Diyos la i maariyay a magpatawad ti kasalanan?”

Lukas 2:34

Inaged ni Simeon a pagpalaán hide nu Diyos sakay kinagi na ni Maria, “Sanigán mo i kagiyán kuwáy, anakan iye ay pinile nu Diyos. Tu pamamag-itan na ay makpál u maligtas sakay makpal be u mahatulan tu lahe hide ni Israel. Siya u tanda a gábwat tu Diyos pero makpál be nikuna u mangkontara,

Mateo 22:15

Nadid linumakad u Pariseo hide sakay pinágguhunan ni pakodya de madakáp ti Jesus tu tábbeg na hide.

Mateo 21:46

Dakáppan de nakwa siya, pero nanteng hide tu tolay, dipo tinenggi de a propeta ti Jesus.

Mateo 21:23

Nadid simmádap dámman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, “Anya u karapatan mo a maggimet ti hide iye a bagay? Deya u nangatad niko ti kapangyariyan?”

Mateo 15:2

Tinanung de ti Jesus “Bakin a labagán nu disepulus mo hide u kautusan nu nunu tam hide? Awan di ugisan u kamakamát de bagu a kuman ayun tu paraan a intoldu nu nunu tam hide.”

Mateo 12:24

Pero nikuna nasaneg iye nu Pariseo hide ay kinagi de “Kanya mapalayas na u demonyo hide dipo inatádden siya ti kapangyariyan ni Satanas.”

Mateo 11:19

Nadid hikán a Anak nu Tolay ay kuman sakay uminom ti alak ay kagiyán di be a ‘Katoy u essa a tolay a maunas sakay lasingero. Barkada siya nu tagakolekta hide ti buwes sakay u makasalanan hide.’ Pero ketan labe u bunga nu karunungan nu Diyos tu biyag nu tolay a sumunud.”

Juan 9:40

Nasaneg iye nu Pariseo hide a katoy hod, kanya nagtanung hide, “U gusto mu be man a kagiyán ay buhák kame be?”

Juan 10:20

Makpal nide u nagkagi, “Magaheng siya sakay sináddáp ni madukás a ispirito. Bakin moy siya sássanigán?”

1 Pedro 2:23

Awan siya gummante nikuna a dustaán siya, sakay awan siya ti kákkagi nikuna a pahirapan de nan impabahala na u atanan tu Diyos dipo u Diyos la u tapat a huwes.