Hebreo 10:5 - U Maganda A Baheta Ni Jesu-Cristo

⁵ Kanya ngane, nikuna a dimmemát ti Jesus he ti munduwáy, ay kinagi na tu Ama na, “U alay hide a hayup ay awan mo gusto, kanya inhanda mo u bággi ko para magin alay.

Hebreo 10:5 Referans Kwoze

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

Hebreo 1:6

Sakay nikuna paangayán dán nu Diyos u panganay na a anak ti munduway ay kinagi na, “Dapat siya a sambaán nu atanan a anghel nu Diyos.”

Hebreo 10:7

Kanya kinagi ko niko, ‘Katoyák he, Diyos ko para tupadán u kaluuban mo’, a konna tu nakasulat tu Kasulatan tungkul nikán.”

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Galacia 4:4

Pero nikuna a dimmemát u takda odas ay pinaangay nu Diyos ti lutaáy u Anak na. Inyenak siya nu essa a bábbey sakay nagpasakup tu Kautusan ni Moises,

2 Juan 1:7

Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo.

Hebreo 8:3

Tungkulin nu essa a pinakapuno a saserdote a magalay ti kaluub sakay alay. Kanya dapat a tehhod be a iyalay u pinakapuno a saserdote tam.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Mateo 11:3

Tinanung de ti Jesus “Hiko beman a talaga u Cristo a áuhayán me oni magguhay kami pa ti iba?”

Lukas 7:19

sakay dinulaw ni Juan u duwwa tu disepulus na hide sakay pinaangay na hide tu Panginoon para magtanung ti konna he, “Hiko dán beman u impananto nu Diyos a dumemát, oni maguhay kame pa ti agum?”

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

Hebreo 10:8

Kinagi ni Cristo a, “Awan mo gusto oni kinasayaan u alay hide sakay u hayup hide, u alay hide a tutudán, sakay u alay hide a para tu kasalanan, maski ni ayun iye tu Kautusan.”