Gimet 9:20 - U Maganda A Baheta Ni Jesu-Cristo

²⁰ Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Gimet 9:20 Referans Kwoze

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Mateo 27:43

Nanalig siya tu Diyos sakay kinagi na a siya u Anak nu Diyos. Iligtas siya nu Diyos ni talaga a tatahoden u kinagi na!”

Mateo 4:3

Sakay immangay nikuna ti Satanas sakay kinagi na “Ni tatahoden a hiko u Anak nu Diyos ay ipeta mo. Gimitán mo a makan i bitowe hide.”

Pahayag 2:18

Isulat mo tu anghel nu gurupo nu mánnampalataya hide ti Tiatira: “Iye u pekagi nu Anak nu Diyos a tehhod a mata a kumán a maggehab a apoy sakay u tikád na ay kumán a magkinang-kinang a pinakintab a tangso.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

Gimet 13:14

Pero di Pablo ay nagtulos-tulos ti Antioquia a sakup ni Pisidia. Sakay tu Aldew nu Káimang ay immangay hide tu sinagoga nu Judio hide sakay nággetnod.

Gimet 13:5

Nikuna dummemát hide ti Salamina ay inpangaral de u Upos nu Diyos tu sinagoga nu Judio hide. Sakay kakaguman di ti Juan, a ngángngahanan di a Markos a timmulung nide.

Gimet 9:22

Pero lalo pa a nagin malalake ti Saulo tu pángngaral na, kanya awan dán tukoy nu Judio hide a mágyan ti Damasco ni ánya itábbeg diyay tu págpatunay na a ti Jesus ay u Mesias.

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 19:7

Pero impilit nu Judio hide, “Tehhod kame a Kautusan. Sakay ayun ti iye ay dapat siya a matay dipo magkukunware siya a Anak nu Diyos.”

Mateo 27:54

Nanteng a tahod u kapitan sakay u sundalo hide a nagbantay ni Jesus nikuna nabati de u linog sakay netan de u atanan a nangyare. “Tahod ngane a siya ay Anak nu Diyos!” kinagi de.

Gimet 13:33

Tinupad na dán itod nadid tu pangbiyag na a huway ni Jesus. Konna tu nakasulat tu libro nu Kansiyon: ‘Hiko u Anak ko, Sakay nadid hikán dán u Ama mo.’

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 14:1

Nadid, tu banuwan a Iconio ay konna bi hod u ginimet di Pablo ay ti Bernabe. Immangay hide tu sinagoga nu Judio hide sakay nangaral kanya makpal a Judio sakay Griego u summampalataya.

Gimet 16:13

Sakay tu Aldew nu Káimang ay limmuwas kame tu banuwan sakay immangay tu bihebi nu dinom, tu essa a lugar a natukuyan me a lugar nu págdasalan nu Judio hide. Nággetnod kame sakay nákpágguhon tu bábbey hide a nagipun-ipun hod.

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,

Gimet 17:10

Ti itod labe a gibi ay pinaangay nu mánnampalataya hide ti Pablo sakay ti Silas tu banuwan a Berea. Káddemát di hod ay simmáddáp hide tu sinagoga nu Judio hide.

Gimet 17:17

Kanya nákpagpaliwanagan siya tu sinagoga hide hod, tu Judio hide sakay tu maka-diyos hide a tolay, sakay maskin deya u matagbu na tu matolay a lugar aldew-aldew.

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 18:19

Káddemát de ti Efeso ay inwahak na u duwwa sakay simmáddáp siya tu sinagoga sakay nákpagpaliwanagen tu Judio hod hide.

Gimet 19:8

Mággangay ti Pablo tu sinagoga tu luub nu tállo a bulan sakay mabegsak u isip na a nangaral tu tolay hide. Nákpagtábbegen siya sakay impaliwanag na nide u tungkul tu pághare nu Diyos.

Galacia 1:16

Nikuna ipakapospos nikán nu Diyos u Anak na para mebaheta ko tu Hentil hide ay awanák nák-aged ti payo tu maskin ti deyaman.

Gimet 8:37

Kinagi nikuna ni Felipe, “Maare taka a bawtismuwan ni tunay u pánnampalataya mo tu Panginoon Jesu-Cristo.” Timmábbeg siya, “Maniwalaák a ti Jesu-Cristo u anak nu Diyos.”