Gimet 8:1 - U Maganda A Baheta Ni Jesu-Cristo

¹ Nadid, ti Saulo ay kaguman tu pángbuno de ni Esteban. Ti itod a aldew a nagsapul u mahigpit a págpahirap tu mánnampalataya ti Jerusalem. Kanya kimmalat u atanan nu mánnampalataya hide ti Judea sakay ti Samaria. U apostol la hide u nawahak ti Jerusalem.

Gimet 8:1 Referans Kwoze

Gimet 22:20

Sakay nikuna bunuwán de ti Esteban a sistigu mo ay katoyák hod sakay nákpagkaessaák pa tu ginimet de. Hikán pa ngane u nagbantay tu damit nu nangbuno hide nikuna.’

Gimet 7:58

Binehbeh de ti Esteban hanggan tu luwas nu banuwan para batikalán. He di hod siya a binábbatikal hanggan a matay. U tolay hide a nangtistigu ay inuba de u damit de sakay inyatád de ni Saulo.

Gimet 5:40

Pinadulaw de a huway u apostol hide sakay káttapos de hide a impabálbág sakay binawalan a mangaral tu ngahan ni Jesus ay pinalakad di dán hide.

Gimet 5:33

Nikuna nasaneg de u kinagi ni Pedro ay tunay u iyamut nu miyembro nu Sanedrin, sakay gusto de a ipabuno u apostol hide.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 8:14

Nikuna nabaheta nu apostol hide a mámmágyan ti Jerusalem a tinanggap nu Samaritano hide u Upos nu Diyos ay inutusan de a angay hod di Pedro sakay ti Juan.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

Gimet 8:4

U namághiwewalay a mánnampalataya u nagtoldu tu Maganda a Baheta. Maskin hádya hide keangayan ay ibaheta di pade.

Juan 15:20

Diyan moy kalimunan u kinagi ko nikam a awan ti alipin a mas higit tu amo na. Ni dinustaák de ay dustaán dikam be. Sakay ni sinunud de u upos ko ay sunudán di be u kagiyán moy.

Hebreo 11:27

U pánnampalataya be u nánggiya ni Moises a lakaden na i Egipto maski ni magingál u hare. Mabegsák u isip na dipo kumán na a ketan u Diyos.

Filipos 1:12

Gusto ko a matukuyan moy, kákkapatkákka ko hide, u nangyare hide nikán ay nakatulung ti dakál tu kállawak nu Maganda a Baheta.

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.

Gimet 5:20

“Angay kam tu templo sakay ipangaral moy tu tolay hide u tungkul tu bigu a kákkabiyag.”

Gimet 5:18

Dinakáp de u apostol hide sakay ingkulung de hide.

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Mateo 23:34

Magpaangayyák nikam ti propeta hide, mágkalalaki a tolay sakay u maisto hide nu Kautusan ni Moises! Bunuwán moy u sangan nide sakay u agum ay ipako moy tu kudus. U agum ay haplitán moy tu sinagoga sakay u agum ay ehyokán moy tu banubanuwan tán madakáp moy.

Mateo 22:6

U agum ay ginábbu de u utusan hide, pinahirapan sakay binunu.

Mateo 5:13

Kinagi pa ni Jesus nide “Hikam ay kumán a asen ti munduway. Ni mawan u lasa nu asen, awan dán ti paraan a mesoli pa u lasa na. Awan dán ti serbi u asen kaya ibut dálla sakay gággemmakan dálla nu katolayan.

Gimet 7:54

Nikuna masaneg iye nu katolayan ay minagngahitáb hide dipo tu iyamut de ni Esteban.

Gimet 8:2

Inlábbáng nu mánnampalataya hide u bangkay ni Esteban sakay sinangitan de ti husto.

Gimet 8:5

Immangay ti Felipe tu essa a banuwan ti Samaria sakay intoldu na hod u tungkul ni Cristo.

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Gimet 26:10

Kanya konna hod u ginimet ko ti Jerusalem. Makpal a kristiyano u impepireso ko, dipo tu kapangyariyan a inyatád nikán nu puno nu saserdote hide. Sakay nikuna a hatulan u agum nide ti kamatayan ay essaák be a immayun nide.

Roma 1:32

Tukoy de u utus nu Diyos a dapat parusaan ti kamatayan u mggimet hide ti kasalananan iye pero diretso pade hide a maggimet ti iye. Sakay masaya pa hide ni ketan de u agum a maggimet tu gággimitán de.