Gimet 5:33 - U Maganda A Baheta Ni Jesu-Cristo

³³ Nikuna nasaneg de u kinagi ni Pedro ay tunay u iyamut nu miyembro nu Sanedrin, sakay gusto de a ipabuno u apostol hide.

Gimet 5:33 Referans Kwoze

Gimet 7:54

Nikuna masaneg iye nu katolayan ay minagngahitáb hide dipo tu iyamut de ni Esteban.

Gimet 2:37

Nabalisa hide tu nasaneg de kanya kinagi de ni Pedro sakay tu agum hide a apostol a, “Kákkapatkákka me hide, ánya i dapat miyay a gimitán?”

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Mateo 24:9

Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán.

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 10:21

Sakay kinagi pa ni Jesus nide “Ipabuno nu kapatkákka na u kapatkákka na a mannámpalataya, konna labe u gimitán nu ama hide tu anak de hide. Magrebelde u anak hide tu dáddakál de sakay ipabuno de be.

Gimet 22:22

Nágsaneg hide ni Pablo, pero pákkakagi na ti konna hod ay nagpákhawan hidi ti husto a, “Bunuwán moy tolayan itona! Awan siya dapat a mabiyag!”

Gimet 9:23

Nikuna makalipas u sangan a aldew, ay namágkaessaan nu Judio hide a bunuwán ti Saulo.

Juan 15:20

Diyan moy kalimunan u kinagi ko nikam a awan ti alipin a mas higit tu amo na. Ni dinustaák de ay dustaán dikam be. Sakay ni sinunud de u upos ko ay sunudán di be u kagiyán moy.

Lukas 20:19

Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide.

Lukas 6:11

Pero grabi u iyamut nu maisto hide nu Kautusan sakay u Pariseo hide. Kanya namágguhon hide ni ánya u dapat de a gimitán ni Jesus.

Mateo 1:19

Nikuna natukuyan iye nu magin kabanga ni Maria a ti Jose, ay nagplano siya a uhunán sakay hiwalayan ti Maria ti lihim dipo umád siya a mapasanike ti Maria tu kakpalan. Ginimet iye ni Jose dipo essa siya a malinis a tolay.