Gimet 5:31 - U Maganda A Baheta Ni Jesu-Cristo

³¹ Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Gimet 5:31 Referans Kwoze

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Gimet 2:33

Pinággetnod siya tu kawanan nu Diyos sakay natanggap na u nepananto a Banal a Ispirito tu Ama. Iye u inyatád na nikame konna tu áelingán sakay masássaneg moy nadid.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Lukas 2:11

Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

1 Juan 4:14

Netan me sakay pinatunayan tu agum a pinaangay nu Ama u Anak na tán iligtas u tolay hide ti munduway.

Hebreo 2:10

U Diyos u nanglalang tu atanan a bagay para tu kaluwalhatian na. Kanya karapat-dapat u ginimet nu Diyos a pinakultaden na a maghirap ti Jesus para magin ganap ti Jesus sakay magimet na u dapat bilang paggábwatan nu kaligtasan. Ti konna hod ay makapagtawed siya ti makpal a tolay tu kaluwalhatian na.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Gimet 3:15

Binuno moy u naggábwatan nu biyag, pero biniyag siya a huway nu Diyos. Hikame u makapagpatunay a nabiyag siya a huway.

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Judas 1:25

Siya la u eessa a Diyos a Tagapagligtas tam tu pamamag-itan ni Jesu-Cristo a Panginoon tam, para la nikuna u kapuriyan, karangalan, kaluwalhatian, sakay kapangyariyan, sapul pa tu itod, nadid sakay hanggan-hanggan! Amen.

2 Pedro 1:11

Ni konna hod ay masaya u Diyos a mangpasáddáp nikam tu awan ti kahád a kahariyan nu Panginoon sakay tagapagligtas tam a ti Jesu-Cristo.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Mateo 1:21

Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

Colosas 1:14

Tu pamamag-itan nu Anak na, ay napalaya sakay napatawad kitamon tu kasalanan tam hide.

Filipos 3:20

Pero para nikitam, u tunay tam a banuwan ay ti langet. Kaya tunay u pagkasoh tam tu págguhay tu kássole nu Panginoon a ti Jesu-Cristo, u tagapagligtas tam.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

2 Corinto 2:10

Ni deya man u pinatawad moy ay pinatawad ko dán be. Ni nagpatawadák man tistigu ko ti Cristo a ginimet ko itod alang-alang nikam.

Gimet 13:23

Gábwat tu lahe ni lállakeyan iye u inpananto nu Diyos tu lahe hide ni Israel a Tagapagligtas.

Gimet 4:11

Ti Jesus, u gusto a kagiyán nu sumássulat tu Banal a Kasulatan a, ‘U bito a inadiyan nu mágtolnák hide ti bilay, ay siya u nagin pinaka pundasyon a bito.’

Gimet 3:26

Kanya pinaangay he nu Diyos u pinili na a Tagapagserbi, dipalongo nikitam a Judio para pagpalaán na kitam sakay tulungan na kitam a umadág tu madukás tam a kákkabiyag.”

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Gimet 2:36

Kanya dapat talaga a matukuyan nu atanan a Israelita a ti Jesus a impako moy tu kudus ay siya u pinile nu Diyos a magin Panginoon sakay Cristo.”

Markos 4:12

Tánni, ‘Maski ketan de ay awan di pade maintendiyan, sakay makánsanigán man hide ay awan hide makaintendi. Dipo ni makaintendi nakwa hide ay nagsise hide tu kasalanan de hide sakay napatawad nakwa hide.’”

Markos 2:10

Pero patunayan ku nikam a tehhod a kapangyariyan u Anak nu Tolay a magpatawad ti kasalanan ti lutaáy,” kinagi na tu paralitiko,

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

Tito 2:13

mentras a maguhay kitam tu dakila a aldew a áasaan tam. Iye u kássole nu dakila tam a Diyos sakay Tagapagligtas a ti Jesu-Cristo.

Tito 2:10

sakay diyan dibe hide pagtakawan, nan ipeta de a tapat hide tu atanan a bagay. Tánni mepeta de u kagandaan nu toldu hide a gábwat tu Diyos a Tagapagligtas tam.

Tito 1:4

Magsulaták niko, Tito, a tunay ko a anak ti pánnampalataya. Magkahod kam nakwa ti págpapala sakay kapayapaan a gábwat tu Diyos a Ama sakay ti Jesu-Cristo a Tagapagligtas tam.

Juan 4:42

Kinagi nu tolay hide tu bábbey, “Maniwala kame dán nadid, bakán la tu pángpatunay mo, nan dipo hikame dán a mismo u nakasaneg nikuna. Natukuyan mi nadid a siya u Tagapagligtas nu tolay ti munduway.”