Gimet 3:2 - U Maganda A Baheta Ni Jesu-Cristo

² Tu pintuwan nu Templo a dáddulawán de a, “Pintuwan a Maganda” ay tehhod a essa a lállake a lopog sapul pa tu kákkeenak na. Aldew-aldew ay iyangay de siya tu templo para máklimus tu tolay hide a sumáddáp hod.

Gimet 3:2 Referans Kwoze

Gimet 14:8

Nadid, tehhod a essa a lállake a awan makalakad sapul pa nikuna a anak a mámmágyan ti Listra.

Juan 9:8

Dipo ti iye ay namágtanungan u kadene na hide ti bilay sakay tu iba pa hide a nakatukoy nikuna, nikuna magpalimus palla siya. Kagi de, “Awan beman siya u date a magpalimus a tukoy tam?”

Lukas 16:20

Sakay tehhod be a essa a mahirap a putat ti talingo u bággi na, sakay mágkatdug tu pintuwan nu mayaman, u ngahan na ay ti Lazaro.

Gimet 10:31

Kinagi na, ‘Cornelio, sinaneg nu Diyos u dasal mo hide sakay kinasayaan na u págtulung mo tu mágkahirap hide.

Lukas 18:35

Nikuna adene dán di Jesus ti Jerico; ay tehhod a lállake a buhák a mággetnod tu gibis nu dilan sakay máklimus.

Gimet 10:4

Ináeleng na siya sakay grabi u ánteng na a tummábbeg, “Ánya itod, Panginoon?” Tummábbeg u anghel, “Sinaneg nu Diyos u dasal mo hide sakay nasaya siya niko tu káttulung mo tu mágkahirap hide.

Gimet 4:22

Dipo u tolay a pinagpiyya de tu pamamagitan nu himala ay mahigit dán a áppat a pulo a taon a lumpo.

Gimet 3:10

Nikuna a matengge de a siya u tolay a date a máklimus a mággetnod tu Pintuwan a Maganda nu Templo ay nagtaka hide ti husto tu nangyare nikuna.