Gimet 26:20 - U Maganda A Baheta Ni Jesu-Cristo

²⁰ U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Gimet 26:20 Referans Kwoze

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Mateo 3:8

Ipeta moy u págsisi moy tu pamamagitan nu págsunud moy tu Diyos.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.

Mateo 9:13

Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.

Efeso 4:17

Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

2 Corinto 7:10

Dipo u kalungkutan a ayun tu kaluuban nu Diyos, u mánggiya nikam tánni magsise sakay magbagu, para maligtas kam. U konna he a kalase ni kalungkutan ay awan pagsisiyan. Pero u kalungkutan nu bakán hide a taga sunud nu Diyos ay kamatayan u demáttán na dipo awan ti págsise.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

2 Corinto 3:16

Pero ni sumole u tolay sakay maniwala tu Panginoon, ay mawan u nakatapoh tu pággisipan na.

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Gimet 26:17

Hiko u paangayán ko para magtoldu tu tungkul nikán tu Hentil hide. Sakay iligtas taka tu kabanuwan mo hide sakay tu Hentil hide a kumontara niko.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 17:30

Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

Gimet 15:19

Kinagi pa ni Santiagu a, “Kanya para nikán ay dyan tamon paghirapán u Hentil hide tu káadene de tu Diyos.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 9:35

Nikuna a ketan nu atanan a mámmágyan ti Lida sakay Saron a nagpiyya dán siya ay summampalataya hide tu Panginoon.

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

Lukas 15:7

Kagiyán ko nikam, magkahod ti dakál a kasayaan ti langet dipo tu essa a makasalanan a nagsise nan tu siyam a pulo ay ti siyam a malinis a awan kailangan a magsise!”

Lukas 13:5

Pero tandaan moy i kagiyán kuwáy nikam, ni awan kam magsise tu kasalanan moy hide, ay mepahamak kam labe a konna nide.”

Lukas 13:3

Pero tandaan moy i kagiyán kuwáy nikam, ni awan kam magsise tu kasalanan moy hide ay matay kam labe a konna nide.

Lukas 1:16

Makpal tu lahe ni Israel u maakit na a máktawad tu kasalanan de sakay magsole hide tu Panginoon de a Diyos.

Markos 6:12

Kanya naglakad ngani u sapulo ay ti duwwa a disepulus sakay nagtoldu hide tu tolay hide, a dapat de a pagsisiyan u kasalanan de.

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Pahayag 16:11

Sakay sinumpa di pa u Diyos ti langet dipo tu dáddanasán de a hirap sakay tu talingo de hide. Awan di pade pinagsisiyan u gimet de hide a mágkadukás.

Pahayag 2:21

Inatádden ko siya ti pagkakataun para magsise sakay adággen u madukás na a kákkabiyag, pero umád na.

Gimet 26:19

Dipo ti iye, kagalang-galang a hare a Agripa, kanya awanák simmuway tu pangitain a gábwat ti langet.