Gimet 23:18 - U Maganda A Baheta Ni Jesu-Cristo

¹⁸ Inaguman ngani siya nu kapitan tu pinuno nu sundalo hide sakay kinagi na, “Dinulawanák nu pireso a ti Pablo sakay pinaagum na i ulitowáy a angay he, dipo tehhod kan siya a kagiyán nikam.”

Gimet 23:18 Referans Kwoze

Efeso 3:1

Kaya dipo ti iye, hikán a ti Pablo ay nepireso dipo tu pángngaral ko tungkul ni Cristo Jesus nikam a Hentil hide.

Filemon 1:9

pero dipo mahal taka bilang kapátkákka ko, kaya mákkekakagbiyák dálla niko. Hikán ti Pablo, a matanda dan sakay nadid ay pumáppireso pa dipo ni Cristo Jesus.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Gimet 28:17

Kállipas nu tállo a aldew ay impadulaw ni Pablo u puno nu Judio hide ti Roma. Nikuna namagkatipun dán hide ay kinagi na, “Kákkapatkákka ko hide, maskin awanák ti nagimet a kasalanan kontara tu banuwan tam oni tu patakaran nu nunu tam hide ay dinakappák de ti Jerusalem sakay inpiresuwák de tu gubiyerno ni Roma.

Gimet 27:1

Nikuna a nadisisyonan dán a mággabeng kame patamo ti Italia ay impabahala de ti Pablo sakay u agum hide a pireso tu essa a kapitan nu sundalo hide a u ngahan na ay ti Julio. Siya ay kaguman tu kákkagiyan de a, “Sundalo nu hare ti Roma.”

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

Lukas 7:40

Tukoy ni Jesus u katoy tu isip ni Simon, kaya kinagi na, “Simon, tehhodák a kagiyán niko.” “Ánya itod, maisto?” kagi ni Simon.

Juan 18:12

Kanya dinakáp nu sundalo hide a Romano ti Jesus, pinagdipalonguwan hide nu kapitan de, kaguman u guwardiya hide a Judio sakay pinungo de siya.

Gimet 23:17

Dinulawan ni Pablo u essa tu kapitan hide sakay kinagi na, “Aguman mo ped i ulitowan iye tu pinuno moy dipo tehhod siya a gusto a kagiyán.”

Gimet 23:19

Tinawiden nu pinuno u kamát nu ulito sakay inyadeyo na sakay tinanung na, “Ánya kagiyán muwáy nikán?” kagi na.