Gimet 21:16 - U Maganda A Baheta Ni Jesu-Cristo

¹⁶ Sakay nákkuyog nikame u sangan a mánnampalataya a taga-Cesarea sakay inyangay de kame tu bilay ni Manason a taga-Cyprus sakay hed kame hod a náktulos. Nalay dán siya a mánnampalataya.

Gimet 21:16 Referans Kwoze

Gimet 21:8

Tu kadimadimangan ay nagdiretso kame ti Cesarea sakay náktulos tu bilay ni Felipe a essa be a mangngaral tu Maganda a Baheta. Essa siya tu pitto a lállake a napile ti Jerusalem tu itod.

Filemon 1:9

pero dipo mahal taka bilang kapátkákka ko, kaya mákkekakagbiyák dálla niko. Hikán ti Pablo, a matanda dan sakay nadid ay pumáppireso pa dipo ni Cristo Jesus.

Roma 16:7

Ikumustaák moy be di Andronico sakay Junia, u kapareho ko hide a Judio sakay nakaguman ko tu piresuwan. Dipalongo pa hide a nagin kristiyano kasera nikán, sakay tukoy-tukoy hide nu apostol hide.

Gimet 15:39

Kanya namágtábbegan hide sakay naghiwalay a duwwa. Ingkuyog ni Bernabe ti Markos sakay nággabang hide a patamo ti Cyprus.

Gimet 11:19

Nadid, u mánnampalataya hide ay minawatak-watak dipo tu págpahirap nide sapul nikuna mabuno ti Esteban. Te nakademát ti Fenicia, ti Chipre hanggan ti Antioquia. Maskin hadya demáttán diyay ay ipáppangaral de u Maganda a Baheta pero tu Judio la hide.

Gimet 10:48

Sakay inyutus na a bawtismuwan hide tu ngahan ni Jesu-Cristo. Sakay impákpágguhon de ni Pedro a mákpágyan pala hod ti sangan a aldew.

Gimet 10:24

Maghapun hide a naglakad bagu hide a nakademát ti Cesarea. Maguhay dán nide ti Cornelio, pate u kákkapatkákka na hide a inakit na sakay tu matalik na hide a Amigu.

Gimet 8:40

Namalayan dálla ni Felipe a katoy dán siya ti Azoto. Intoldu na hod u Maganda a Baheta tungkul ni Jesus sakay tu atanan a lugar a tinaleban na hanggan makademát siya ti Cesarea.

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

Gimet 15:7

Káttapos nu atakdug a pamágtábbegan ay timmaknág ti Pedro sakay kinagi na nide, “Kákkapatkákka ko hide, tukoy moy a piniliyák nu Diyos para ipangaral tu Hentil hide u Maganda a Baheta tánni sumampalataya be hide.