Gimet 2:20 - U Maganda A Baheta Ni Jesu-Cristo

²⁰ Magdiklám u aldew sakay magdideg u bulan a kumán a dige. Mangyare iye bagu a dumemát u makataka-taka a aldew nu pághatul nu Panginoon.

Gimet 2:20 Referans Kwoze

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

Mateo 24:29

Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan.

1 Tesalonica 5:2

Dipo tukoy moy dán a u káddemát nu Panginoon ay konna tu káddemát nu mágtakaw ti gibi.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.

Lukas 21:25

Kinagi ni Jesus, “Magkahod ti senyal tu aldew, tu bulan, sakay tu biton hide. Ti lutaáy ay maligalig u atanan a tolay sakay awan de tukoy ni ánya u gággagamitán de dipo tu mabegsak a tánnog nu diget sakay daddakkal a dalondun.

Markos 13:24

Sakay kinagi pa ni Jesus, “Káttapos ni aldiwan itod a kahirapan ay magdiklám u aldew, awan dámbe dumemlag u bulan,

Pahayag 16:8

Imbulak nu kaáppat a anghel u lasán nu malukung na tu aldew. Kaya lalo pa a timmindi u init nu aldew sakay nágkatutod u tolay hide.

Pahayag 6:12

Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige.

1 Corinto 5:5

iyatád moy ni Satanas i tolayan ina tánni mepahamak u bággi na sakay tán para maligtas u ispirito na tu Aldew nu Pághatul nu Panginoon.

Mateo 27:45

Sapul tu tanghali hanggan tu alas tres ti apon ay nagdiham u buo a lugar.

Gimet 2:19

Mángpetaák ti himala ti langet sakay ti lutaáy; mangpetaák ti dige, apoy sakay ti mabagál a asok.

Gimet 2:21

Pero ni ti deyaman u dumulaw tu ngahan nu Panginoon ay maligtas.’”