Gimet 19:8 - U Maganda A Baheta Ni Jesu-Cristo

⁸ Mággangay ti Pablo tu sinagoga tu luub nu tállo a bulan sakay mabegsak u isip na a nangaral tu tolay hide. Nákpagtábbegen siya sakay impaliwanag na nide u tungkul tu pághare nu Diyos.

Gimet 19:8 Referans Kwoze

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

Judas 1:3

Mahal ko hide a kákkapatkákka, gugusto ko nakwa a magsulat nikam tungkul tu kaligtasan a natanggap tamon tu pamamag-itan nu pánnampalataya tam ni Jesus. Pero mas kailangan ko nadid a magsulat tungkul tu págpabegsák tán metaknág moy u pánnampalataya tam a kompleto a nepagkaluub nikitam ti pumensan.

Gimet 19:9

Pero tehhod a sangan a awan summampalataya, maigát u págguluwan de sakay nagupos pa ti madukás kontara tu Toldu nu Diyos tungkul tu kaligtasan a hod ni Cristo tu atubang nu tolay hide. Kanya nilakaden ni Pablo u sinagoga sakay inkuyog na u mánnampalataya hide tu iskuwilaan ni Tirano sakay nagtulos-tulos siya a nagtoldu aldew-aldew.

Gimet 18:19

Káddemát de ti Efeso ay inwahak na u duwwa sakay simmáddáp siya tu sinagoga sakay nákpagpaliwanagen tu Judio hod hide.

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 17:17

Kanya nákpagpaliwanagan siya tu sinagoga hide hod, tu Judio hide sakay tu maka-diyos hide a tolay, sakay maskin deya u matagbu na tu matolay a lugar aldew-aldew.

Gimet 14:1

Nadid, tu banuwan a Iconio ay konna bi hod u ginimet di Pablo ay ti Bernabe. Immangay hide tu sinagoga nu Judio hide sakay nangaral kanya makpal a Judio sakay Griego u summampalataya.

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 13:14

Pero di Pablo ay nagtulos-tulos ti Antioquia a sakup ni Pisidia. Sakay tu Aldew nu Káimang ay immangay hide tu sinagoga nu Judio hide sakay nággetnod.

Gimet 18:26

Mabegsák u pággisipan na a mangaral tu sinagoga nu Judio hide. Nikuna masaneg nu magkabanga a Aquila sakay Priscila u págpaliwanag ni Apolos ay inakit de siya tu bilay de. Sakay impaliwanag di pa nikuna ti husto u bagay hide a awan na palla tukoy tungkul tu pamamaraan nu Diyos.

Gimet 19:7

Tehhod wád hide a sapulo ay ti duwwa a lállake a nagpabawtismo ni Pablo.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 20:31

Kanya magingat kam! Isipán moy a makpalák a luwa a timmuhog tu págtatoldu ko nikam aldew ay ti gibi tu tállo a taon a kakagumanák moy.