Gimet 19:28 - U Maganda A Baheta Ni Jesu-Cristo

²⁸ Nikuna masaneg de itod ay tunay u iyamut de sakay impákhaw de a, “Ti Artemis a diyos tam a taga Efeso ay kataasan!”

Gimet 19:28 Referans Kwoze

Pahayag 17:13

Eessa u layunin ni sapuluwan iye: Ipasakup de tu makaánteng a hayup u kapangyariyan de sakay u karapatan de a mamuno.

Pahayag 13:4

Sinamba nu atanan a tolay u dragon dipo inyatád na u kapangyariyan na tu makaánteng a hayup. Sakay sinamba di be u makaánteng a hayup kinagi de, “Deya makapangpantayay tu makaánteng a hayup? Deya makakayaay a lumaban nikuna?”

Pahayag 12:12

Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”

Gimet 18:19

Káddemát de ti Efeso ay inwahak na u duwwa sakay simmáddáp siya tu sinagoga sakay nákpagpaliwanagen tu Judio hod hide.

Gimet 7:54

Nikuna masaneg iye nu katolayan ay minagngahitáb hide dipo tu iyamut de ni Esteban.

Mateo 2:16

Nadid nikuna biyag padla ti Herodes sakay nakalakad dán di Jose ti Betlehem, natukuyan ni Herodes a naessaan siya nu bisita hide a gábwat ti Sikatan. Naiyamut siya a tahod. Kanya inutusan na u sundalo na hide a bunuwán de u atanan a anak a lállake a te idad a duwwa a taon sakay pababa a mágyan ti Betlehem sakay tu palebut na hide a lugar. U nagin giya na tu idad nu anak hide a bunuwán ay ayun tu natukuyan na a kinagi nu mágkalalake hide a tolay tu panahun nu kállitaw nu biton.

Gimet 19:24

Tehhod a essa a mágpanday a u ngahan na ay ti Demetrio. Mággimet siya ti bábbadit a templo a yare ti silber para tu diyos-diyosan de a ti Artemis. Tunay ti kadakál i kita naay he.